ലോകമെങ്ങുമുള്ള ക്രൈസ്തവര്‍ ഇന്ന് നാല്‍പ്പതാം വെള്ളിയാചരിക്കും

ചങ്ങനാശ്ശേരി: ലോകമെങ്ങുമുള്ള ക്രൈസ്തവര്‍ വ്രതശുദ്ധിയുടെ പുണ്യവുമായി ഇന്ന് നാല്‍പ്പതാം വെള്ളിയാചരിക്കും. അമ്പത് നോമ്പിലെ വെള്ളിയാഴ്ചകളില്‍ ദു:ഖവെള്ളിയാഴ്ച കഴിഞ്ഞാല്‍ ഏറ്റവും പ്രാധാന്യമുള്ളതാണ് നാല്‍പ്പതാം വെള്ളി. യേശു ക്രിസ്തു പരസ്യജീവിതത്തിനു മുന്നോടിയായി നാല്‍പ്പത് ദിവസമാണ് ഉപവസിച്ചത്. നോമ്പിന്റെ നാല്‍പ്പതാം ദിവസമായതിനാല്‍ ഈ വെള്ളിയാഴ്ച വിശ്വാസികള്‍ക്ക് പ്രാധാന്യമേറുന്നതാണ്. വിവിധകാരണങ്ങാല്‍ ഇത്രയും ദിവസം നോമ്പനുഷ്ടിക്കാന്‍ കഴിയാതെ വന്നവര്‍ നാല്‍പ്പതാം വെള്ളിമുതല്‍ ഇതില്‍ പങ്കുചേരും.