 |
ഡോ. ഗീവര്ഗീസ് മോര്‍ കൂറിലോസ് മെത്രാപ്പോലീത്ത യോഗത്തില്‍ മുഖ്യപ്രസംഗം നടത്തുന്നു.
|
കോലഞ്ചേരി: ശാക്‌തീകരിക്കുന്ന ദൈവത്തിന്‌ ജീവിതത്തില്‍ അവസരം നല്‍കണമെന്ന്‌ ശ്രേഷ്ഠ കാതോലിക്ക ബസേലിയോസ്‌ തോമസ്‌ പ്രഥമന്‍ ബാവ ഉദ്‌ബോധിപ്പിച്ചു.
യാക്കോബായ സുറിയാനി സഭയുടെ ആഭിമുഖ്യത്തില്‍ പുത്തന്‍കുരിശില്‍ നടക്കുന്ന 23-മത്‌ അഖില മലങ്കര സുവിശേഷ മഹായോഗത്തില്‍ ആമുഖ പ്രസംഗം നടത്തുകയായിരുന്നു ബാവ. ക്ഷമിക്കുമ്പോഴും, സഹിക്കുമ്പോഴും മാത്രമാണു ദൈവം മനുഷ്യഹൃദയത്തിലേക്കു കടന്നുവരികയുള്ളുവെന്നും ബാവ പറഞ്ഞു.
യേശുക്രിസ്‌തുവിനോടുള്ള സ്‌നേഹം ജീവിതത്തില്‍ ശക്‌തി പകരുമെന്ന്‌ അധ്യക്ഷ പ്രസംഗം നടത്തിയ ഡോ. എബ്രാഹാം മോര്‍ സേവേറിയോസ്‌ മെത്രാപ്പോലീത്ത പറഞ്ഞു. ആത്യന്തികമായി മനുഷ്യനെ ശക്‌തിപ്പെടുത്താന്‍ ദൈവത്തിനു മാത്രമേ സാധിക്കുകയുള്ളുവെന്നു ഡോ. ഗീവര്ഗീസ് മോര്‍ കൂറിലോസ് മെത്രാപ്പോലീത്ത ഉദ്‌ബോധിപ്പിച്ചു.
യോഗത്തില്‍ മുഖ്യപ്രസംഗം നടത്തുകയായിരുന്നു അദ്ദേഹം. പൗലോസ് പാറേക്കര കോര്‍ എപ്പിസ്‌കോപ്പ യോഗത്തില്‍ മുഖ്യസുവിശേഷ പ്രസംഗം നടത്തി. ലിവിംഗ്‌ മെലഡീസ്‌ ഗാനശുശ്രൂഷ നിര്‍വ്വഹിച്ചു. മെത്രാപ്പോലീത്തമാരായ ഡോ. കുര്യാക്കോസ്‌ മോര്‍ തെയോഫിലോസ്‌, ഡോ. ഏലിയാസ്‌ മോര്‍ അത്താനാസിയോസ്‌, മര്‍ക്കോസ്‌ മോര്‍ ക്രിസോസ്‌റ്റമോസ്‌, യാക്കോബ്‌ മോര്‍ അന്തോണിയോസ്‌, ഏലിയാസ്‌ മോര്‍ യൂലിയോസ്‌, ഐസക്‌ മോര്‍ ഒസ്‌താത്തിയോസ്‌, ജോര്‍ജ്‌ മാന്തോട്ടം കോര്‍ എപ്പിസ്‌കോപ്പ, സഭാ ട്രസ്‌റ്റി തമ്പു ജോര്‍ജ്‌ തുകലന്‍ എന്നിവര്‍ സംബന്ധിച്ചു. ഇന്ന്‌ രാവിലെ 10.30 മുതല്‍ ഉച്ചകഴിഞ്ഞ്‌ 2 വരെ അഖില മലങ്കര വൈദീക യോഗം, ധ്യാനയോഗം എന്നിവ നടക്കും.
വൈകിട്ട്‌ 6 ന് തുടങ്ങുന്ന സുവിശേഷ യോഗത്തില്‍ തോമസ്‌ മോര്‍ അലക്‌സന്ത്രയോസ്‌ മെത്രാപ്പോലീത്ത ആമുഖ പ്രസംഗവും, ഡോ. കുര്യാക്കോസ്‌ മോര്‍ തെയോഫിലോസ്‌ മെത്രാപ്പോലീത്ത മുഖ്യപ്രസംഗവും നടത്തും.
No comments:
Post a Comment