മുളന്തുരുത്തി: മാര്ത്തോമന് കത്തീഡ്രലില് തോമാശ്ലീഹായുടെ ചരമസ്മരണ ജൂബിലി പെരുന്നാളിന് കൊടികയറി. ഇടവക മെത്രാപ്പോലീത്തയും യാക്കോബായ സഭ സുന്നഹദോസ് സെക്രട്ടറിയുമായ ജോസഫ് മാര് ഗ്രിഗോറിയോസ് മെത്രാപ്പോലീത്ത കൊടിയേറ്റി. കുര്ബാനയ്ക്കുശേഷം മുളന്തുരുത്തി മുത്തപ്പന്റെ മധുര നേര്ച്ച ആശീര്വദിച്ച് നല്കി. തുടര്ന്ന് പ്രദക്ഷിണം പുറപ്പെട്ടു.
വികാരി ഫാ. ഷാജി മാമ്മൂട്ടില്, ബേബി ചാമക്കാല കോര് എപ്പിസ്കോപ്പ, സ്ലീബ കാട്ടുമങ്ങാട്ട് കോര് എപ്പിസ്കോപ്പ, ഫാ. മത്തായി കുളച്ചിറ, ഫാ. സ്ലീബ കളരിക്കല്, ഫാ. ഡാര്ളി എടപ്ലങ്ങാട്ടില്, ട്രസ്റ്റിമാരായ തമ്പി ചെറിയാന്, ടോമി വര്ഗീസ്, സന്തോഷ് മത്തായി എന്നിവര് നേതൃത്വം നല്കി.
ബുധനാഴ്ച 8.45ന് കുര്യാക്കോസ് മാര് തെയോഫിലോസ് മെത്രാപ്പോലീത്തയുടെ നേതൃത്വത്തില് കുര്ബാന, ധൂപാര്പ്പണം, സ്ലീബാ മുത്ത്, ഉച്ചയ്ക്ക് 1ന് പ്രദക്ഷിണം പുറപ്പെടും. രാത്രി 9.30ന് പ്രദക്ഷിണം തിരിച്ചെത്തി പ്രത്യേക പ്രാര്ഥന.
വ്യാഴാഴ്ച 8.45ന് ഐസക് മാര് ഒസ്താത്തിയോസ് മെത്രാപ്പോലീത്തയുടെ നേതൃത്വത്തില് കുര്ബാന, ഒരു മണിക്ക് പ്രദക്ഷിണം പുറപ്പെടും. 9.30ന് തിരിച്ചെത്തിയശേഷം പ്രത്യേക പ്രാര്ഥന.
വെള്ളിയാഴ്ച 8ന് തോമശ്ലീഹയുടെ തിരുശേഷിപ്പ് പുറത്തെടുക്കും. 8.45ന് ശ്രേഷ്ഠ കാതോലിക്ക ബസേലിയോസ് തോമസ് പ്രഥമന് ബാവയുടെ നേതൃത്വത്തില് സഖറിയാസ് മാര് പീലക്സിനോസ്, സഖറിയാസ് മാര് പോളികോര്പ്പസ് എന്നിവര് കുര്ബാന നടത്തും. 11ന് പ്രദക്ഷിണം പുറപ്പെടും. 12.50ന് നേര്ച്ചസദ്യ, 3.30ന് തിരുശേഷിപ്പ് തിരികെവയ്ക്കല്, 4ന് കൊടിയിറക്ക് എന്നിവ ഉണ്ടായിരിക്കും.
No comments:
Post a Comment