നെടുമ്പാശേരി . അകപ്പറമ്പ് മാര്‍ ശാബോര്‍ അഫ്രോത്ത് കത്തീഡ്രല്‍ വലിയപള്ളിയില്‍ സ്ളീബാ പെരുനാളിനുള്ള ഒരുക്കങ്ങള്‍ ആരംഭിച്ചു. പെരുനാളിന് പ്രധാന നേര്‍ച്ചയായി നല്‍കുന്ന സവിശേഷമായ പഞ്ചസാരമണ്ടയുടെ നിര്‍മ്മാണോദ്ഘാടനം ടൈറ്റസ് വര്‍ഗീസ് കോര്എപ്പിസ്കോപ്പ മൂന്നിന്‍മേല്‍ കുര്‍ബാനയ്ക്കും പ്രത്യേക പ്രാര്‍ത്ഥനകള്‍ക്കും ശേഷം നിര്‍വ്വഹിച്ചു. ഫാ. കെ കെ ഗീവര്‍ഗീസ്, ഫാ. ഗീവര്‍ഗീസ് വി അരീക്കല്‍ ട്രസ്റ്റിമാരായ പോള്‍ വര്‍ഗീസ്, എല്‍ദോ ഏലിയാസ് തുടങ്ങിയവര്‍ നേതൃത്വം നല്‍കി.
പ്രത്യേക നോമ്പോടും ഉപവാസത്തോടും കൂടെ ഇടവകയിലെ നൂറുക്കണക്കിനാളുകള്‍ ഇനിയുളള ദിവസങ്ങളില്‍ മണ്ട ചുട്ടെടുക്കുന്ന തിരക്കിലായിരിക്കും. പെരുനാളിന്റെ തലേന്ന് പഞ്ചസാര, ശര്‍ക്കര, സുഗന്ധദ്രവ്യങ്ങള്‍ എന്നിവ ചേര്‍ത്ത് മണ്ട തയ്യാറാക്കുന്നത് ഇടവകയില്‍ ഉല്‍സവപ്രതീതിയുളവാക്കുന്ന ചടങ്ങാണ്.
No comments:
Post a Comment