കോലഞ്ചേരി: മലേക്കുരിശ് ദയറായില്‍ കാലംചെയ്ത ബസേലിയോസ് പൗലോസ് ദ്വിതീയന്‍ കാതോലിക്ക ബാവയുടെ 16-ാമത് ശ്രാദ്ധപ്പെരുന്നാളിന് ഒരുക്കങ്ങള്‍ പൂര്‍ത്തിയായതായി ദയറാധിപന്‍ കുര്യാക്കോസ് മാര്‍ ദിയസ്‌കോറസ് മെത്രാപ്പോലീത്ത പത്രസമ്മേളനത്തില്‍ അറിയിച്ചു. ആഗസ്ത് 30, 31, സപ്തംബര്‍ 1 തീയതികളില്‍ നടക്കുന്ന ശ്രാദ്ധപ്പെരുന്നാളിനോടനുബന്ധിച്ച് വ്യാഴാഴ്ച വിഭവസമാഹരണവും നടത്തും. വെള്ളിയാഴ്ച വൈകീട്ട് 5ന് വിവിധ ഭാഗങ്ങളില്‍ നിന്നെത്തുന്ന സഭാ വിശ്വാസികള്‍ക്കും ബാവയുടെ മാതൃഇടവകയായ ചെറായി സെന്റ് മേരീസ് യാക്കോബായ പള്ളിയില്‍ നിന്നു കൊണ്ടുവരുന്ന ദീപശിഖയ്ക്കും ദയറാ കവാടത്തില്‍ സ്വീകരണം നല്‍കും. ആറ് മണിക്ക് ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവയുടെ മുഖ്യകാര്‍മികത്വത്തില്‍ സന്ധ്യാപ്രാര്‍ഥനയും കബറിങ്കല്‍ ധൂപപ്രാര്‍ഥനയും അനുസ്മരണ സമ്മേളനവും നടക്കും.
ശനിയാഴ്ച രാവിലെ 7ന് വന്ദ്യ ഫിനഹാസ് റമ്പാനും 9ന് ശ്രേഷ്ഠ കാതോലിക്കയും വി. കുര്‍ബാന അര്‍പ്പിക്കും. കബറിങ്കല്‍ ധൂപപ്രാര്‍ഥനയ്ക്കുശേഷം 25,000 പേര്‍ക്ക് ശ്രാദ്ധസദ്യയും നടക്കും. ഉച്ചയ്ക്ക് 12ന് മുളന്തുരുത്തി മാര്‍തോമന്‍ പള്ളിയില്‍ കബറടങ്ങിയ യൂയാക്കിം മാര്‍ കൂറിലോസ് ബാവയുടെ കബറിങ്കലേക്ക് തീര്‍ഥയാത്ര പുറപ്പെടും. പത്രസമ്മേളനത്തില്‍ ഫാ. ബിനു യോഹന്നാന്‍, ഫാ. ബാബു ഏലിയാസ്, അഡ്വ. എന്‍.പി. വര്‍ഗീസ്, മോന്‍സി വാവച്ചന്‍, എം. ജോര്‍ജ് എബ്രഹാം എന്നിവര്‍ സംബന്ധിച്ചു.
No comments:
Post a Comment