കൊച്ചി: യാക്കോബായ ക്രിസ്ത്യാനി അസോസിയേഷന് യോഗത്തിന്റെ ഒരുക്കങ്ങള് പൂര്ത്തിയായതായി എപ്പിസ്കോപ്പല് സുന്നഹദോസ് സെക്രട്ടറി ജോസഫ് മോര് ഗ്രിഗോറിയോസ് അറിയിച്ചു. സഭയുടെ കീഴിലുള്ള ഇടവക പള്ളികളില്നിന്നും തെരഞ്ഞെടുക്കപ്പെട്ട നാലായിരത്തിനടുത്തു പ്രതിനിധികള് യോഗത്തില് സംബന്ധിക്കും. രാവിലെ ഒമ്പതുമണിയോടെ രജിസ്ട്രേഷന് ആരംഭിച്ച് 11.15ന് യോഗനടപടികള് തുടങ്ങും.
രാവിലെ 11ന് ശ്രേഷ്ഠ കാതോലിക്ക ബാവായേയും മെത്രാപോലീത്താമാരെയും അസോസിയേഷന് യോഗ വേദിയിലേക്ക് ആനയിക്കും. തുടര്ന്ന് സഭയുടെ ഔദ്യോഗിക സ്ഥാനികളെയും സഭാ മാനേജിംഗ് കമ്മിറ്റി അംഗങ്ങളെയും 2002-ലെ സഭാ ഭരണഘടനപ്രകാരം തെരഞ്ഞെടുക്കും.
യോഗത്തില് എത്തിച്ചേരുന്ന പള്ളി പ്രതിനിധികളുടെ വാഹനങ്ങള് പുത്തന്കുരിശ് പള്ളിയുടെ ഗ്രൗണ്ട്, എം.ജെ.എസ്.എസ്.എയുടെ ഹെഡ്ക്വാര്ട്ടേഴ്സ്, എം.എ.എം. ഹൈസ്കൂള് ഗ്രൗണ്ട്, ബി.ടി.സി. ഹയര് സെക്കന്ഡറി സ്കൂള് ഗ്രൗണ്ട്, മോര് ഏലിയാസ് ചാപ്പല് ഗ്രൗണ്ട് എന്നിവിടങ്ങളില് പാര്ക്ക് ചെയ്യണം. പ്രതിനിധികള് രജിസ്ട്രേഷന് പൂര്ത്തിയാക്കി 11 മണിക്കു മുമ്പായി യോഗസ്ഥലത്ത് അതാത് ഭദ്രാസനങ്ങള്ക്കായി ക്രമീകരിച്ചിരിക്കുന്ന സ്ഥാനങ്ങളില് ഇരിക്കണം
No comments:
Post a Comment