കാത്തിരിപ്പിന്റെ ശുശ്രൂഷ തുടങ്ങി

യാക്കോബായ സഭ അങ്കമാലി മേഖലാ സുവിശേഷ സംഘം സംഘടിപ്പിക്കുന്ന 10 ദിവസം നീണ്ടുനില്‍ക്കുന്ന കാത്തിരിപ്പിന്റെ ശുശ്രൂഷ (പാറക്കലീത്ത) ആരംഭിച്ചു. അങ്കമാലി മേഖലയിലെ 28 പള്ളികളിലും വ്യാഴാഴ്ച സങ്കീര്‍ത്തന പാരായണ യജ്ഞം നടത്തി.

ആറു മണിക്കൂര്‍ നീണ്ട പാരായണ യജ്ഞത്തില്‍ നൂറുകണക്കിന് വിശ്വാസികള്‍ പങ്കെടുത്തു. ഓരോ പള്ളിയിലും വികാരിയുടെ നേതൃത്വത്തിലാണ് പാരായണം.

അങ്കമാലി സെന്റ് മേരീസ് കത്തീഡ്രലില്‍ ഫാ.പൗലോസ് അറയ്ക്കപറമ്പില്‍ പാരായണയജ്ഞം ഉദ്ഘാടനം ചെയ്തു. ഫാ.ജോര്‍ജ് വര്‍ഗീസ് അധ്യക്ഷനായി.ഫാ.പോള്‍ പാറയ്ക്ക, ഫാ.തോമസ് ബേബി, ഫാ.ഏല്യാസ് ഐപ്പ്, ഡീക്കന്‍ എബിന്‍ ഏല്യാസ്, പി.പി.തങ്കച്ചന്‍, ജോയി പോള്‍, ശുഭ ജോസഫ്, മോളി ഏല്യാസ് എന്നിവര്‍ നേതൃത്വം നല്‍കി.

വെള്ളിയാഴ്ച മഞ്ഞപ്ര സെന്റ്‌ജോര്‍ജ് പള്ളിയില്‍ രാവിലെ 10നും വൈകീട്ട് 6നും ധ്യാനയോഗം നടക്കും. ടൈറ്റസ് വര്‍ഗീസ് കോര്‍ എപ്പിസ്‌കോപ്പ ഉദ്ഘാടനം ചെയ്യും. ഫാ.എല്‍ദോസ് മഴുവഞ്ചേരി പറമ്പത്ത് അധ്യക്ഷനാകും.

19ന് രാവിലെ 9ന് മൂക്കന്നൂര്‍ സെന്റ് ജോര്‍ജ് സെഹിയോന്‍ പള്ളിയിലും ഉച്ചയ്ക്ക് ശേഷം 2ന് നെടുമ്പാശ്ശേരി സെന്റ്‌ജോര്‍ജ് പള്ളിയിലും കുട്ടികള്‍ക്കായി പഠനാരംഭധ്യാനം നടക്കും. 21ന് രാവിലെ 10നും വൈകീട്ട് 6നും ആഴകം സെന്റ്‌മേരീസ് ഹെര്‍മ്മോന്‍ പള്ളിയില്‍ ധ്യാനയോഗം നടക്കും. 22ന് വൈകീട്ട് 6ന് നായത്തോട് സെന്റ്‌ജോണ്‍സ് ചാപ്പലിലും 23ന് രാവിലെ 10ന് അങ്കമാലി സെന്റ്‌മേരീസ് കത്തീഡ്രലിലും 24ന് വൈകീട്ട് 6ന് കിടങ്ങൂര്‍ മാര്‍ ബസേലിയോസ് പള്ളിയിലും ധ്യാനയോഗങ്ങള്‍ നടക്കും.

25ന് രാവിലെ 10നും വൈകീട്ട് 6നും മേയ്ക്കാട് സെന്റ്‌മേരീസ് പള്ളിയിലായിരിക്കും ധ്യാനയോഗം. 26ന് രാവിലെ 9ന് തിരുവിലാവ് സെന്റ് ജോര്‍ജ് ചാപ്പലിലും ഉച്ചയ്ക്ക്‌ശേഷം 2ന് അങ്കമാലി സെന്റ് മേരീസ് കത്തീഡ്രലിലും കുട്ടികള്‍ക്കായി പ്രത്യേക ധ്യാനം ഉണ്ടാകും.