മഹിളാ സമാജം പ്രവര്ത്തകര് നേര്ച്ച സദ്യക്കുള്ള ഒരുക്കത്തില് |
കരിങ്ങാച്ചിറ: ജോര്ജിയന് തീര്ത്ഥാടന കേന്ദ്രമായ കരിങ്ങാച്ചിറ സെന്റ് ജോര്ജ് യാക്കോബായ സുറിയാനി കത്തീഡ്രലില് മോര് ഗീവര്ഗീസ് സഹദായുടെ ഓര്മപ്പെരുന്നാളിന്റെ ഭാഗമായി നേര്ച്ചസദ്യ തിങ്കളാഴ്ച നടക്കും.കാല്ലക്ഷംപേര്ക്കാണ് നേര്ച്ചസദ്യ ഒരുക്കുന്നത്.പള്ളിയിലെ കുടുംബ യൂണിറ്റുകളും ഭക്തസംഘടനകളും ചേര്ന്നാണ് സദ്യ തയ്യാറാക്കുന്നത്. ഭക്തരുടെ സൗകര്യാര്ത്ഥം പള്ളിയങ്കണത്തില് പ്രത്യേകം ബാരിക്കേഡുകളും സ്ഥാപിച്ചിട്ടുണ്ട്. സ്ത്രീകള്ക്കും മുതിര്ന്ന അംഗങ്ങള്ക്കുമായി പ്രത്യേകം കൗണ്ടറുകളും ഉണ്ടാകും.രാവിലെ ഏഴിന് കുര്ബാനക്കുശേഷം ഒമ്പതിന് കൊച്ചി ഭദ്രാസന മെത്രാപ്പോലീത്ത അഭി.ജോസഫ് മോര് ഗ്രിഗോറിയോസിന്റെ മുഖ്യകാര്മ്മികത്വത്തില് മൂന്നിന്മേല് കുര്ബാനയും നടക്കും. 11.30 ന് നേര്ച്ചസദ്യ ആശിര്വാദം നടക്കും. ഉച്ചയ്ക്ക് രണ്ടിന് വഴിപാട് സാധന ലേലം, വൈകിട്ട് 5.30 ന് ഇരുമ്പനം പുതിയ റോഡ് കുരിശുപള്ളിയിലേക്ക് പ്രദക്ഷിണം, തുടര്ന്ന് പ്രദക്ഷിണം പള്ളിയിലെത്തിയശേഷം ആശിര്വാദത്തോടെ പെരുന്നാള് സമാപിക്കും.
No comments:
Post a Comment