പിറവം: പിറവം വലിയ പള്ളിയില്‍ വി.ദനഹാ പെരുന്നാളിന് കൊടികയറി. വി. മൂന്നിന്മേല്‍ കുര്‍ബ്ബാനക്ക് ശേഷം വികാരി വന്ദ്യ സൈമണ്‍ ചെല്ലിക്കാട്ടില്‍ കോര്‍ എപ്പിസ്കോപ്പ കൊടി ഉയര്‍ത്തി.സഹ വികാരിമാരായ റവ ഫാ സ്കറിയ വട്ടക്കാട്ടില്‍,റവ ഫാ റോയി മാത്യു മേപ്പാടം,ട്രസ്റ്റി മത്തായി തെക്കുംമൂട്ടില്‍ എന്നിവരും പള്ളിയിലെ ഭക്ത സംഘടനാ പ്രവര്‍ത്തകരും നൂറു കണക്കിന് വിശ്വാസികളും പങ്കെടുത്തു.പ്രധാന പെരുന്നാള്‍ ദിവസമായ ജനു: 5 ന് പെപ്പതി ചാപ്പലില്‍ ചെന്നൈ ഭദ്രാസന മെത്രാപ്പോലിത്ത അഭി.ഐസക് മാര്‍ ഒസ്ത്താത്തിയോസ് വി കുര്‍ബ്ബാന അര്‍പ്പിക്കും. തുടര്‍ന്ന് വൈകിട്ട് 4 .30 ന് പിറവം വലിയ പള്ളിയിലേക്കുള്ള ചരിത്ര പ്രസിദ്ധമായ പ്രദക്ഷിണം ആരംഭിക്കും.ആയിരക്കണക്കിനാളുകള്‍ പങ്കെടുക്കുന്ന പ്രദക്ഷിണത്തില്‍ പൊണ്‍വെള്ളി കുരിശുകളും നൂറു കണക്കിന് മുത്തുകുടകളും അണിനിരക്കും.രാത്രി 10 മണിക്ക് പ്രദക്ഷിണം പള്ളിയില്‍ എത്തിച്ചേരും.
ജനു. 6 ന് രാവിലെ 8 മണിക്ക് ദനഹാ ശുശ്രുക്ഷ പള്ളിക്ക് ചുറ്റുമുളള പ്രദക്ഷിണത്തോടെ ആരംഭിക്കും. തുടര്‍ന്ന് വി.കുര്‍ബ്ബാന. അതിനു ശേഷം പിറവം ടൌണ്‍ ചുറ്റിയുള്ള പ്രദക്ഷിണം നടക്കും.സഹ വികാരിമാരായ റവ ഫാ സ്കറിയ വട്ടക്കാട്ടില്‍,റവ ഫാ റോയി മാത്യു മേപ്പാടം, റവ ഫാ വര്‍ഗീസ് പനച്ചിയില്‍ എന്നിവര്‍ നേതൃത്വം നല്‍കും.
No comments:
Post a Comment