കൂത്താട്ടുകുളം: മോര് സ്തേഫാനോസ് സഹദായുടെ ഓര്മപ്പെരുന്നാളിന് കൂത്താട്ടുകുളം സെന്റ് സ്റ്റീഫന്സ് യാക്കോബായ സുറിയാനി പള്ളിയില് കൊടിയേറി. ഫാ. എ.എം. ഉലഹന്നാന് ഏറാടികുന്നേല് കൊടിയേറ്റിന് കാര്മികത്വം വഹിച്ചു.
കടുങ്കീരില് കുടുംബാംഗങ്ങളാണ് പ്രധാനപ്പെരുന്നാള് നടത്തുന്നത്. കടുങ്കീരില് കുടുംബാംഗങ്ങളുടെ പ്രത്യേകയോഗം ഐസക് മോര് ഒസ്താത്തിയോസ് മെത്രാപ്പോലീത്തയുടെ നേതൃത്വത്തില് നടന്നു.
ആറ്, ഏഴ്, എട്ട് തീയതികളിലാണ് പ്രധാന പെരുന്നാള് ചടങ്ങുകള് നടക്കുന്നതെന്ന് വികാരി എ.എം. ഉലഹന്നാന് ഏറാടി കുന്നേല് അറിയിച്ചു.
ഞായറാഴ്ച രാവിലെ ആറിന് ദനഹാ പെരുന്നാള് ആരംഭിക്കും. 9.30 ന് ദനഹ ശുശ്രൂഷ. തിങ്കളാഴ്ച രാവിലെ 8.30 ന് കുര്ബാന. വൈകിട്ട് ആറിന് പള്ളിസാധനങ്ങള് ആഘോഷപൂര്വം മേമ്പൂട്ടില് നിന്ന് പള്ളിയകത്തേക്ക് എഴുന്നള്ളിക്കും. രാത്രി 8.30 ന് പ്രസംഗം ഫാ. സിബി കളപ്പുരയില്. ഒമ്പതിന് ചോരക്കുഴി ചാപ്പലിലേക്ക് പ്രദക്ഷിണം.
ചൊവ്വാഴ്ച 7.30 ന് കുര്ബാന, തുടര്ന്ന് മൂന്നിന്മേല് കുര്ബാന. 12 ന് കിഴകൊമ്പ് ചാപ്പലിലേക്ക് പ്രദക്ഷിണം എന്നിവ നടക്കും.
No comments:
Post a Comment