കോടതി നിരീക്ഷകന് പരിശോധനയ്ക്കെത്തി
ആലുവ: തൃക്കുന്നത്ത് പള്ളിയില് കബറടങ്ങിയിട്ടുള്ള സഭാ പിതാക്കന്മാരുടെ ഓര്മ തിരുനാളിനോടനുബന്ധിച്ച് യാക്കോബായ, ഓര്ത്തഡോക്സ് വിഭാഗങ്ങള് വെള്ളിയാഴ്ച പിതാക്കന്മാരുടെ കബറിടങ്ങളില് ആരാധനയും ധൂപപ്രാര്ത്ഥനയും നടത്തും.
ഇരു വിഭാഗങ്ങളും തമ്മില് തര്ക്കം നിലനില്ക്കുന്നതിനാല് കനത്ത സുരക്ഷാ സംവിധാനമാണ് പള്ളിയിലും പരിസരത്തും ഏര്പ്പെടുത്തിയിട്ടുള്ളത്. മുന് വര്ഷങ്ങളിലെ പോലെ ഇരു വിഭാഗത്തിനും ആരാധന നടത്താന് വ്യത്യസ്ത സമയമാണ് അനുവദിച്ചിരിക്കുന്നത്. രാവിലെ ഏഴ് മുതല് പതിനൊന്ന് വരെ ഓര്ത്തഡോക്സ് വിഭാഗവും ഉച്ചയ്ക്ക് ഒന്നു മുതല് അഞ്ച് വരെ യാക്കോബായ വിഭാഗവും ആരാധന നടത്തും.
സുരക്ഷാകാര്യങ്ങള് വിലയിരുത്തുന്നതിനായി കോടതി നിയോഗിച്ച നിരീക്ഷകന് അഡ്വ. ശ്രീലാല് കെ. വാരിയര് വ്യാഴാഴ്ച പള്ളി സന്ദര്ശിച്ചു. കോടതിയുടെ നിര്ദ്ദേശം ഉള്ളതുപോലെ ഒരേ സമയം പത്ത് പേരെ മാത്രമേ ആരാധനയ്ക്കായി പ്രവേശിപ്പിക്കുകയുള്ളുവെന്ന് അദ്ദേഹം പറഞ്ഞു. അവസാന സമയങ്ങളിലെ തിരക്ക് ഒഴിവാക്കാനായി വിശ്വാസികള് ആരാധന സമയം സ്വയം ആസൂത്രണം ചെയ്താവണമെന്നും അദ്ദേഹം പറഞ്ഞു. അവസാന പത്ത് മിനിട്ട് മാത്രമായിരിക്കും പുരോഹിതര്ക്ക് പ്രാര്ത്ഥനയ്ക്കുള്ള അവസരം നല്കുക.
No comments:
Post a Comment