കൊച്ചി: ആഗോള സുറിയാനി ഓര്ത്തഡോക്സ് സഭയുടെ പുതിയ മെത്രാപ്പോലീത്തയായി ചേപ്പാട് കരിമ്പനയ്ക്കല് മാത്യൂസ് റമ്പാന് മാത്യൂസ് മോര് തിമോത്തിയോസ് എന്ന പേരില് അഭിഷിക്തനായി. ലബനോന് തലസ്ഥാനമായ ബെയ്റൂട്ടിലെ അജാല്ടിയന് മോര് ഗബ്രിയേല് ദയറായില് നടന്ന മെത്രാഭിഷേക ശുശ്രൂഷക്ക് ആഗോള സുറിയാനി ഓര്ത്തഡോക്സ് സഭയുടെയും കിഴക്കിന്റെയും പരമാധ്യക്ഷന് അന്ത്യോഖ്യാ പാത്രിയര്ക്കീസ് പരിശുദ്ധ ഇഗ്നാത്തിയോസ് സഖാ പ്രഥമന് ബാവാ മുഖ്യകാര്മികനായിരുന്നു. ഇന്ത്യന് സമയം ഉച്ചയ്ക്ക് 12 മണിയോടെയാണു ശുശ്രൂഷകള് ആരംഭിച്ചത്.
പാത്രിയര്ക്കീസ് ബാവയുടെ അരമനയുടെ സെക്രട്ടറിയായി 2010 മുതല് പ്രവര്ത്തിക്കുന്ന വന്ദ്യ മാത്യൂസ് റമ്പാന് ചേപ്പാട് സെന്റ് ജോര്ജ് യാക്കോബായ ഇടവകാംഗമാണ്.അഭി.മാത്യൂസ് മോര് തിമോത്തിയോസ് മെത്രാപ്പോലീത്ത പാത്രിയര്ക്കീസ് ബാവായുടെ മലങ്കര സെക്രട്ടറിയായി ചുമതലയേല്ക്കും. മെത്രാപ്പോലീത്ത യു.എ.ഇ. അലൈന് സെന്റ് ജോര്ജ് പള്ളി വികാരിയായി ദീര്ഘകാലം സേവനം അനുഷ്ഠിച്ചിട്ടുണ്ട് യാക്കോബായ സഭയെ പ്രതിനിധീകരിച്ച് ഇന്ത്യയില്നിന്നു അഭി .ഡോ. മാത്യൂസ് മോര് ഇവാനിയോസ്, അഭി.യൂഹാനോന് മോര് മിലിത്തിയോസ്, അഭി.ഗീവര്ഗീസ് മോര് കൂറിലോസ്, അഭി.മാത്യൂസ് മോര് തേവോദോസ്യോസ്,അഭി.പൗലോസ് മോര് ഐറേനിയോസ്, അഭി.ഐസക് മോര് ഒസ്താത്തിയോസ്,അഭി.സക്കറിയാസ് മോര് പീലക്സിനോസ് എന്നിവര് പങ്കെടുത്തു. ലബനോന് ഇന്ത്യന് അംബാസിഡര് രവി ഥാപ്പര്, മോര് തെയോഫിലോസ് ജോര്ജ് സലീബ, മോര് പീലക്സീനോസ് മത്തിയാസ് നയിസ്, മോര് നിക്കോദീമോസ് ദാവൂദ് മത്തി ഷറഫ്, മോര് ക്രിസോസ്റ്റമോസ് മീഖായേല് ശീമോന്, മോര് പീലക്സീനോസ് യൂസഫ് സെടിന് എന്നിവരും ചടങ്ങില് പങ്കെടുത്തു.
No comments:
Post a Comment