വയനാട്‌ :പുതുശ്ശേരിക്കടവ് യാക്കോബായ സുറിയാനി പള്ളി എം.ജെ.എസ്.എസ്.എ. മാനന്തവാടി മേഖലാ കലോത്സവം ഉദ്ഘാടനം ചെയ്യുകയായിരുന്നു അദ്ദേഹം. നേത്രദാനത്തിന് ജനങ്ങളെ ബോധവത്കരിക്കാന്‍ ജ്യോതിര്‍ഗമയ മികച്ചപ്രവര്‍ത്തനങ്ങളാണ് നടത്തുന്നത്. നിര്‍ഭാഗ്യവശാല്‍ ചിലര്‍ക്ക് അന്ധത കാരണം പ്രപഞ്ചത്തിന്റെ മനോഹാരിത ആസ്വദിക്കാന്‍ സാധിക്കുന്നില്ല. അത്തരക്കാരുടെ ജീവിതത്തിന് വെളിച്ചം പകരാന്‍ ജ്യോതിര്‍ഗമയ നടത്തുന്ന ശ്രമം മഹത്തരമാണ്.
അണുകുടുംബവ്യവസ്ഥ നിലനില്‍ക്കുന്ന ഇന്നത്തെ സാഹചര്യത്തില്‍ വൃദ്ധസദനങ്ങളുടെ എണ്ണം ഏറിവരികയാണ്. പ്രായമായ മാതാപിതാക്കളെ വൃദ്ധസദനത്തില്‍ തള്ളാന്‍ തിടുക്കം കൂട്ടുന്നവരുടെ എണ്ണവും കുറവല്ല. കച്ചവടമനസ്ഥിതിയോടെ രക്ഷിതാക്കളെ നോക്കുന്നവരും സമൂഹത്തിലുണ്ട്. മരണശേഷം ഇവരുടെ അവയവങ്ങള്‍ വിറ്റ് കാശ് സമ്പാദിക്കാം എന്നാണ് അത്തരക്കാരുടെ കണക്കുകൂട്ടല്‍. ഇത്തരക്കാരെ സമൂഹത്തില്‍നിന്ന് മാറ്റി നിര്‍ത്തുന്നതോടൊപ്പം ജ്യോതിര്‍ഗമയ പോലുള്ള പദ്ധതികളില്‍ നമ്മള്‍ പങ്കാളികളാവുകയും വേണം. മരണശേഷം അവയവങ്ങള്‍ ദാനംചെയ്യാന്‍ എല്ലാവരും തയ്യാറാകണമെന്നും ശ്രേയാംസ്‌കുമാര്‍ പറഞ്ഞു.
പൗലോസ് കോര്‍ എപ്പിസ്‌കോപ്പ അധ്യക്ഷത വഹിച്ചു. ഗ്രാമപ്പഞ്ചായത്തംഗം എം.പി. ഷംസുദ്ദീന്‍, പള്ളി ട്രസ്റ്റി രാജന്‍ പട്ടശ്ശേരി, സണ്‍ഡേസ്‌കൂള്‍ പ്രധാനാധ്യാപകന്‍ എന്‍.ടി. ജോണ്‍, പി.വി. സ്‌കറിയ, കെ.എം. ഷിനോജ് എന്നിവര്‍ സംസാരിച്ചു. ഫാ. എല്‍ദോ അമ്പഴത്തിനാംകുടി, ഫാ. ഫിലിപ്പോസ് കര്‍ലാട്ടുകുന്നേല്‍, ഫാ. കുര്യാക്കോസ് വെള്ളച്ചാലില്‍, എന്‍.പി. കുര്യന്‍, പി.പി. ബിജു, ഫാ.പി.എ. പൗലോസ്, ജോണ്‍ ബേബി എന്നിവര്‍ നേതൃത്വം നല്‍കി. മാനന്തവാടിമേഖലയിലെ ഏഴ് സെന്റര്‍ സ്‌കൂളുകളിലെ കുട്ടികള്‍ ബാലകലോത്സവത്തില്‍ പങ്കെടുത്തു.
No comments:
Post a Comment