കൊച്ചി: ആഗോള സുറിയാനി ഓര്‍ത്തഡോക്‌സ് സഭയുടെ പരമാധ്യക്ഷന്‍ അന്തോഖ്യാ പാത്രിയര്‍ക്കീസ്‌ പരിശുദ്ധ ഇഗ്നാത്തിയോസ്‌ സഖാ പ്രഥമന്‍ ബാവ ജര്‍മനിയിലെ ചികില്‍സയ്‌ക്കും വിശ്രമത്തിനും ശേഷം ലബനോണിലെത്തി. ബെയ്‌റൂട്ടിലെ അച്ചാനെയിലുള്ള പുരാതനമായ ആശ്രമ ദേവാലയത്തിലാണ്‌ ബാവ താമസിക്കുന്നത്‌. മൂന്നുമാസമായി ജര്‍മനിയിലായിരുന്നു. സിറിയയില്‍ ആഭ്യന്തരകലാപം രൂക്ഷമായതോടെ ദമാസ്‌കസിലെ പാത്രിയര്‍ക്കാ കാര്യാലയം താല്‍ക്കാലികമായി അടച്ചിട്ട സാഹചര്യത്തിലാണിത്‌.
10 മുതല്‍ 14 വരെ ബെയ്‌റൂട്ടില്‍ നടക്കുന്ന ആഗോള സുറിയാനി സഭാ സുന്നഹദോസില്‍ ബാവാ അധ്യക്ഷത വഹിക്കും. സഭയുടെ ആസ്‌ഥാനം ബെയ്‌റൂട്ടിലേക്ക്‌ തല്‍ക്കാലം മാറ്റുന്ന കാര്യം സിനഡ്‌ ചര്‍ച്ചചെയ്യും. 14 മുതല്‍ 16 വരെ ലബനോണ്‍ സന്ദര്‍ശിക്കുന്ന ബനഡിക്‌റ്റ് പതിനാറാമന്‍ മാര്‍പാപ്പയുമായി കൂടിക്കാഴ്‌ചയ്‌ക്കും സാധ്യതയുണ്ട്‌. ലോക സഭാ കൗണ്‍സില്‍ വൈസ്‌ പ്രസിഡന്റ്‌ എന്ന നിലയില്‍ ഇരുവരും സുപരിചതരാണ്‌.
No comments:
Post a Comment