കോട്ടയം: ആഗോള മരിയന്‍ തീര്‍ഥാടന കേന്ദ്രമായ മണര്‍കാട്‌ വിശുദ്ധ മര്‍ത്തമറിയം യാക്കോബായ സുറിയാനി കത്തീഡ്രലിലെ ചരിത്ര പ്രസിദ്ധമായ എട്ടുനോമ്പ്‌ പെരുന്നാളിന്‌ ഇന്നു തുടക്കമാകും. ഉച്ചക്കഴിഞ്ഞു രണ്ടിനു കൊടിമരഘോഷയാത്രയ്‌ക്കായി പള്ളിയില്‍നിന്നു പുറപ്പെടും. വൈകിട്ടു നാലിനു പെരുന്നാളിനു തുടക്കം കുറിച്ചു കൊടിമരം ഉയര്‍ത്തല്‍. ഇന്നു മുതല്‍ എട്ടുവരെ രാവിലെ ഒമ്പതിനു വിശുദ്ധ മൂന്നിന്മേല്‍ കുര്‍ബാനയുണ്ടാകും.
അഞ്ചിന്‌ ഉച്ചയ്‌ക്കു രണ്ടിനു നടക്കുന്ന പൊതുസമ്മേളനം ശ്രേഷ്ഠ കാതോലിക്ക മോര്‍ ബസേലിയോസ്‌ തോമസ്‌ പ്രഥമന്‍ ബാവ ഉദ്‌ഘാടനം ചെയ്യും.
കോട്ടയം ഭദ്രാസനാധിപന്‍ തോമസ്‌ മാര്‍ തീമോത്തിയോസ്‌ അധ്യക്ഷത വഹിക്കും. മുഖ്യമന്ത്രി ഉമ്മന്‍ ചാണ്ടി മുഖ്യപ്രഭാഷണം നടത്തും. മന്ത്രിമാരായ തിരുവഞ്ചൂര്‍ രാധാകൃഷ്‌ണന്‍, അനൂപ്‌ ജേക്കബ്‌ തുടങ്ങിയവര്‍ പങ്കെടുക്കും.
കുരിശുപള്ളികളിലേക്കുള്ള റാസ ആറിന്‌ ഉച്ചയ്‌ക്കു രണ്ടിന്‌ ആരംഭിക്കും.
ഏഴിന്‌ ഉച്ചയ്‌ക്ക് 11.30 ന് ചരിത്രപ്രസിദ്ധമായ നടതുറക്കല്‍.വൈകിട്ട്‌ ആറിനു കറിനേര്‍ച്ച തയാറാക്കുന്നതിലേക്കുള്ള പന്തിരുനാഴി ഘോഷയാത്ര.
എട്ടിന്‌ ഉച്ചക്കഴിഞ്ഞു പ്രദക്ഷിണത്തോടും നേര്‍ച്ചവിളമ്പോടുംകൂടി പെരുന്നാള്‍ സമാപിക്കും. പെരുന്നാള്‍ ദിവസങ്ങളില്‍ ഇന്റര്‍ നെറ്റില്‍ തത്സമയ സംപ്രേക്ഷണം ഉണ്ടായിരിക്കും.
No comments:
Post a Comment