കൂത്താട്ടുകുളം: വടകര സെന്റ് ജോണ്‍സ് യാക്കോബായ സുറിയാനി പള്ളിയില്‍ നടത്തുന്ന കുടുംബയൂണിറ്റുകളുടെ സംഗമത്തിന്റെ പ്രചാരണബോര്‍ഡുകള്‍ നശിപ്പിച്ചു. സണ്‍ഡേ സ്‌കൂളിലെ പരിപാടികളുടെ ബോര്‍ഡുകളും നിരന്തരം മോഷ്ടിക്കപ്പെടുക പതിവാണ്. പള്ളിയില്‍ രാത്രികാലങ്ങളില്‍ മോഷണങ്ങള്‍ നടക്കുന്നത് സംബന്ധിച്ച് വിശദമായ അന്വേഷണം നടത്തണമെന്ന് യാക്കോബായ യൂത്ത് അസോസിയേഷന്‍ ആവശ്യപ്പെട്ടു. അസോസിയേഷന്‍ അംഗങ്ങളെ വ്യാജക്കേസില്‍പ്പെടുത്തി പീഡിപ്പിക്കുവാന്‍ ശ്രമിക്കുന്നതിനെതിരെ ശക്തമായ സമരപരിപാടികള്‍ നടത്തുമെന്നും ഭാരവാഹികള്‍ അറിയിച്ചു.
യോഗത്തില്‍ ഫാ. പോള്‍തോമസ് പീച്ചിയില്‍ അധ്യക്ഷനായി. ജോമോന്‍ കണ്ടത്തില്‍, ഫാ. ബിനു കോഴിക്കോട്ട്, ബ്രൈറ്റ് മാത്യു, ജോണ്‍സണ്‍ കറുകപ്പിള്ളി, ജോമോന്‍ എക്കാലയില്‍, ജിബി പാലയ്ക്കാത്തടം, ഉല്ലാസ് പാറപ്പാട്ട്, റ്റിന്‍േറാ സാബു എന്നിവര്‍ പ്രസംഗിച്ചു.
ബോര്‍ഡുകള്‍ നശിപ്പിച്ചത് സംബന്ധിച്ച് കൂത്താട്ടുകുളം പോലീസില്‍ ഫാ. പോള്‍തോമസ് പീച്ചിയില്‍ പരാതി നല്‍കിയിട്ടുണ്ട്. പള്ളിയില്‍ സ്ഥാപിക്കപ്പെട്ടിട്ടുള്ള രഹസ്യക്യാമറയില്‍ പ്രതികളുടെ ചിത്രം ചിത്രീകരിച്ചിട്ടുണ്ടെന്നും ഇത് കഴിഞ്ഞ ഞായറാഴ്ച കമ്പ്യൂട്ടറില്‍ നോക്കി ഇടവകക്കാര്‍ പ്രതികളെ തിരിച്ചറിഞ്ഞിട്ടുണ്ടെന്നും പോലീസിന് നല്‍കിയ പരാതിയില്‍ പറയുന്നു.
No comments:
Post a Comment