യാക്കോബായ സുറിയാനി സഭയുടെ ശ്രേഷ്ഠകാതോലിക്കാബാവ സ്ഥാനത്യാഗം ചെയ്യരുതെന്ന് ആഗോള സുറിയാനി സഭയുടെ പരമാധ്യക്ഷന് ഇഗ്നാത്തിയോസ് സഖാപ്രഥമന് പാത്രിയര്ക്കീസ് ബാവ നിര്ദേശിച്ചു. സ്ഥാനമേറ്റ് പത്തുവര്ഷം തികയുന്ന ഡിസംബറില് സ്ഥാനമൊഴിയുമെന്ന് ശതാഭിഷേക ആഘോഷങ്ങള്ക്കിടെ ബാവ പ്രഖ്യാപിച്ചിരുന്നു.
ഇതിനുള്ള അനുമതി തേടി ശ്രേഷ്ഠബാവ ശനിയാഴ്ച മുതല് ജര്മ്മനിയില് ചികിത്സയില് കഴിയുന്ന പാത്രിയര്ക്കീസ് ബാവയെ സന്ദര്ശിച്ചു. സഭയ്ക്ക് ശ്രേഷ്ഠബാവയുടെ സേവനം ആവശ്യമാണെന്നും സ്ഥാനമൊഴിയുന്നതിനെക്കുറിച്ച് ചിന്തിക്കുകപോലും ചെയ്യരുതെന്നും പാത്രിയര്ക്കീസ് ബാവ കല്പിച്ചു.
മലങ്കര യാക്കോബായ സുറിയാനി ക്രിസ്ത്യാനി അസോസിയേഷന് ഈ മാസം തന്നെ ചേരണമെന്നും അതിന് കാതോലിക്കാബാവ നേതൃത്വം നല്കണമെന്നും പാത്രിയര്ക്കീസ്ബാവ നിര്ദേശിച്ചതായി ശ്രേഷ്ഠബാവ പറഞ്ഞു.
No comments:
Post a Comment