പിറവം: മലങ്കര യാക്കോബായ സുറിയാനി സണ്ഡേ സ്കൂള് അസോസിയേഷന് കണ്ടനാട് ഭദ്രാസന സണ്ഡേ സ്കൂള് അധ്യാപക പരിശീലന ക്യാമ്പ് വെട്ടിത്തറ മര്ത്തമറിയം യാക്കോബായ സുറിയാനി പള്ളിയില് 26ന് ആരംഭിക്കും. കോട്ടയം, ഇടുക്കി, എറണാകുളം ജില്ലകളിലായി വ്യാപിച്ചുകിടക്കുന്ന കണ്ടനാട് ഭദ്രാസനത്തിലെ നൂറിലേറെവരുന്ന സണ്ഡെ സ്കൂളുകളില്നിന്നായി നാനൂറോളം അധ്യാപകര് ക്യാമ്പില് പങ്കെടുക്കും.
ഞായറാഴ്ച വൈകിട്ട് 3ന് കൂടുന്ന യോഗം മന്ത്രി പി.ജെ. ജോസഫ് ഉദ്ഘാടനംചെയ്യും. ഡോ. മാത്യൂസ് മാര് ഈവാനിയോസ് മെത്രാപ്പോലീത്ത അധ്യക്ഷനാകും. ശ്രേഷ്ഠ കാതോലിക്ക ബസേലിയോസ് തോമസ് പ്രഥമന് ബാവ ക്യാമ്പ് ഉദ്ഘാടനംചെയ്യും. ജോസ് കെ. മാണി എംപി മുഖ്യപ്രഭാഷണം നടത്തും.
സണ്ഡെ സ്കൂള് അധ്യാപനരംഗത്ത് നാല് പതിറ്റാണ്ട് പൂര്ത്തിയാക്കിയവരെ യോഗത്തില് അവാര്ഡുകള് നല്കി അനുമോദിക്കും.
സന്ധ്യാപ്രാര്ഥനയെത്തുടര്ന്ന് നടക്കുന്ന ആദ്യ ക്ലാസില് 'സണ്ഡെ സ്കൂള് അധ്യാപകരും ബോധനരീതികളും' എന്ന വിഷയത്തെ അധികരിച്ച് ഡോ. മാത്യൂസ് മാര് അന്തിമോസ് മെത്രാപ്പോലീത്ത ക്ലാസെടുക്കും.
ക്യാമ്പ് ചൊവ്വാഴ്ച ഉച്ചയ്ക്ക് സമാപിക്കും. സമാപന യോഗം വി.പി. സജീന്ദ്രന് എംഎല്എ ഉദ്ഘാടനംചെയ്യും.
No comments:
Post a Comment