സെന്റ് ജോര്‍ജ് കത്തീഡ്രലില്‍ പെരുന്നാള്‍ ഇന്ന് തുടങ്ങും

കരിങ്ങാച്ചിറ: സെന്റ് ജോര്‍ജ് യാക്കോബായ സുറിയാനി കത്തീഡ്രലില്‍ മോര്‍ ഗീവര്‍ഗീസ് സഹദായുടെ ഓര്‍മപ്പെരുന്നാള്‍ അഞ്ച്, ആറ്, ഏഴ് തീയതികളില്‍ നടക്കും. അഞ്ചിന് രാവിലെ ഒമ്പതിന് കൊടികയറ്റം. വൈകീട്ട് ഏഴിന് സണ്‍ഡേ സ്‌കൂള്‍ വാര്‍ഷിക സമ്മേളനം, കലാപരിപാടികള്‍. ആറിന് രാവിലെ 8.30ന് സഖറിയാസ് മോര്‍ പോളികാര്‍പ്പസ് മെത്രാപ്പോലീത്തയുടെ കാര്‍മികത്വത്തില്‍ കുര്‍ബാന, വൈകീട്ട് നാലിന് പള്ളി ഉപകരണങ്ങള്‍ ആഘോഷ പൂര്‍വം കത്തീഡ്രലിലേക്ക് കൊണ്ടുപോകും. ആറിന് ഇരുമ്പനം കുരിശുപള്ളിയിലേക്ക് പ്രദക്ഷിണം. പ്രധാന പെരുന്നാള്‍ ദിവസമായ ഏഴിന് രാവിലെ ഒമ്പതിന് ജോസഫ് മോര്‍ ഗ്രിഗോറിയോസ് മെത്രാപ്പോലീത്തയുടെ പ്രധാന കാര്‍മികത്വത്തില്‍ മൂന്നിന്മേല്‍ കുര്‍ബാന. 11.30ന് നേര്‍ച്ചസദ്യ, ഉച്ചയ്ക്ക് രണ്ടിന് വഴിപാട് സാധനലേലം. വൈകീട്ട് ഇരുമ്പനം പുതിയ റോഡ് കുരിശുപള്ളിയിലേക്ക് പ്രദക്ഷിണം, തുടര്‍ന്ന് ആശീര്‍വാദം