ആറുവയസ്സുകാരി കാറിടിച്ചു മരിച്ചു

പിറവം: വീട്ടുകാരോടൊത്ത് പള്ളിയിലേക്ക് പോവുകയായിരുന്ന പെണ്‍കുട്ടി കാറിടിച്ച് മരിച്ചു. അഞ്ചല്‍പ്പെട്ടി കൊച്ചുപൈറ്റാട്ട് ബിജുവിന്റെ മകള്‍ അലോന (6) യാണ് മരിച്ചത്. വ്യാഴാഴ്ച രാവിലെ 10 മണിയോടെ അഞ്ചല്‍പ്പെട്ടി പുതുശ്ശേരിപ്പടിക്കടുത്താണ് അപകടമുണ്ടായത്. പിറവം ഭാഗത്തേക്ക് വരികയായിരുന്ന കാര്‍ കുട്ടിയെ തട്ടിത്തെറിപ്പിക്കുയായിരുന്നു. നിയന്ത്രണം വിട്ട കാര്‍ റോഡിന്റെ മറുവശത്ത് വൈദ്യുതിപോസ്റ്റിലിടിച്ചാണ് നിന്നത്. ഗുരുതരമായി പരിക്കേറ്റ കുട്ടിയെ ഉടനടി കോലഞ്ചേരി മെഡിക്കല്‍ കോളേജ് ആസ്​പത്രിയിലെത്തിച്ചുവെങ്കിലും തലയ്ക്കും ആന്തരാവയവങ്ങള്‍ക്കും മാരകമായ പരിക്കേറ്റിരുന്നതിനാല്‍ രക്ഷിക്കാനായില്ല.
കോതമംഗലം മറ്റത്തില്‍ കുടുംബാംഗം സ്മിതയാണ് അമ്മ. സഹോദരി: എസ്തര്‍. ശവസംസ്‌കാരം ശനിയാഴ്ച വൈകീട്ട് 3ന് ഓണക്കൂര്‍ സെഹിയോന്‍ പള്ളി സെമിത്തേരിയില്‍.