കരിങ്ങാച്ചിറ: കരിങ്ങാച്ചിറ സെന്റ് ജോര്ജ് യാക്കോബായ സുറിയാനി കത്തീഡ്രലില് മോര്ഗീവര്ഗീസ് സഹദായുടെ ഓര്മപ്പെരുന്നാളിന്റെ ഭാഗമായി തിങ്കളാഴ്ച നടന്ന നേര്ച്ചസദ്യയില് ജാതിമതഭേദമന്യേ ആയിരങ്ങള് പങ്കുകൊണ്ടു.25000 പേര്ക്കുള്ള സദ്യയാണ് പള്ളിയില് ഒരുക്കിയിരുന്നത്
രാവിലെ കൊച്ചി ഭദ്രാസന മെത്രാപ്പോലീത്ത ജോസഫ് മോര്ഗ്രിഗോറിയോസിന്റെ മുഖ്യകാര്മികത്വത്തില് മൂന്നിന്മേല് കൂര്ബാന നടന്നു. അമ്മഞ്ചേരില് കുര്യാക്കോസ് കോര് എപ്പിസ്കോപ്പ, പീറ്റര് ഇല്ലിമൂട്ടില് കോര് എപ്പിസ്കോപ്പ എന്നിവര് സഹകാര്മികരായിരുന്നു. തുടര്ന്ന് നേര്ച്ചസദ്യ മെത്രാപ്പോലീത്ത ആശീര്വദിച്ചു. മന്ത്രി അനൂപ് ജേക്കബും പങ്കെടുത്തു. വൈകിട്ട് ഇരുമ്പനം പുതിയ റോഡ് കുരിശുപള്ളിയിലേക്ക് പ്രദക്ഷിണവും നടന്നു. തുടര്ന്ന് ആശീര്വാദത്തോടെ പെരുന്നാള് സമാപിച്ചു.
No comments:
Post a Comment