പോലീസിനെ നിലയ്ക്ക് നിറുത്താന്‍ കഴിയുന്നില്ലങ്കില്‍ മുഖ്യ മന്ത്രി ഉമ്മന്‍ചാണ്ടി അഭ്യന്തര വകുപ്പൊഴിയണം - യാക്കോബായ സഭ

പുത്തന്‍ കുരിശ്: പോലീസിനെ നിലയ്ക്ക് നിറുത്താന്‍ കഴിയുന്നില്ലങ്കില്‍ മുഖ്യ മന്ത്രി ഉമ്മന്‍ചാണ്ടി അഭ്യന്തര വകുപ്പൊഴിയണം എന്ന് യാക്കോബായ സഭ ആവശ്യപെട്ടു.പഴന്തോട്ടം പള്ളിയില്‍ ശവസംസ്കാരത്തിന് സര്‍ക്കാര്‍ തന്ന ഉറപ്പുകള്‍ ലംഘിക്കപെട്ടു. സര്‍ക്കാര്‍ നിലപാടുകള്‍ സഭയെ ഭയപ്പെടുത്തുന്നുവെന്നും അഭി ഏലിയാസ്‌ മാര്‍ അത്താനാസിയോസ് മെത്രാപ്പോലിത്ത പത്ര സമ്മേളനത്തില്‍ പറഞ്ഞു. നിര്‍ണ്ണായക സമയത്ത് യാക്കോബായ MLA മാര്‍ സഭയ്ക്ക് യോഗ്യമായ തീരുമാനം എടുക്കുമെന്നും അഭി.മെത്രാപ്പോലിത്ത പറഞ്ഞു. സത്യ വിശ്വാസ സംരക്ഷണ സമിതിയുടെ യോഗത്തിനു ശേഷം നടത്തിയ പത്ര സമ്മേളനത്തില്‍ സംസാരിക്കുകയായിരുന്നു തിരുമേനി. മെത്രാപ്പോലിത്തമാരെയും സഭ സെക്രട്ടറി ഉള്‍പ്പടെ ഉള്ള യാക്കോബായ വിശ്വാസികള്‍ക്കെതിരെയും പോലീസ് പഴംതോട്ടം പള്ളിയില്‍ ലാത്തി വീശിയിരുന്നു .പുത്തന്‍കുരിശ് പാത്രിയര്‍ക്കാ സെന്ററില്‍ നടന്ന പത്രസമ്മേളനത്തില്‍ മെത്രാപ്പോലീത്താമാരായ ഏലിയാസ് മോര്‍ യൂലിയോസ്, മാത്യൂസ്‌മോര്‍ അന്തിമോസ്, നേതാക്കളായ ഷിബു ചെറിയാന്‍, അഡ്വ.ജോര്‍ജ്ജ്കുട്ടി എബ്രഹാം, ഷാജി ചുണ്ടയില്‍ എന്നിവര്‍ സംബന്ധിച്ചു.

Mangalam        Mangalam      Mathrubhumi

Mangalam        Madhyamam      Manorama