കാലടി: അയ്യമ്പുഴ ചാത്തക്കുളം കാരക്കാട്ടുകുന്നില് യാക്കോബായ- ഓര്ത്തഡോക്സ് സഭകള് തമ്മില് ഭൂമിയെച്ചൊല്ലി ഉടലെടുത്ത തര്ക്കം സംഘര്ഷത്തില് കലാശിച്ചു. വാക്കേറ്റവു ഉന്തും തള്ളുമുണ്ടായി.
ചൊവ്വാഴ്ച ഒമ്പതിന് ഉടമസ്ഥാവകാശം സംബന്ധിച്ച് തര്ക്കമുള്ള ഒന്നര ഏക്കര് ഭൂമിയില് ഓര്ത്തഡോക്സ് വിഭാഗം പ്രവേശിക്കാന് ശ്രമിച്ചത് യാക്കോബായക്കാര് തടഞ്ഞു. തുടര്ന്ന് പിരിഞ്ഞുപോയ ഓര്ത്തഡോക്സ് പക്ഷക്കാര് വൈകീട്ട് നാലിന് വീണ്ടും എത്തി ഭൂമിയില് പ്രവേശിക്കാന് ശ്രമിച്ചപ്പോള് ചെറിയ തോതില് സംഘര്ഷം ഉടലെടുക്കുകയായിരുന്നു.
പോലീസ് എത്തിയാണ് ശാന്തരാക്കിയത്. വ്യാഴാഴ്ച 10ന് പെരുമ്പാവൂര് ഡിവൈഎസ്പിയുടെ സാന്നിധ്യത്തില് വിഷയം ചര്ച്ച ചെയ്യാമെന്ന് പോലീസ് ഉറപ്പു നല്കി. ഉടമസ്ഥാവകാശം സംബന്ധിച്ച രേഖ യോഗത്തില് ഹാജരാക്കണമെന്നും അയ്യമ്പുഴ എസ്ഐ സി.കെ. അയ്യപ്പന്കുട്ടി ഇരുപക്ഷത്തോടും ആവശ്യപ്പെട്ടു.
No comments:
Post a Comment