കോതമംഗലം: ജീവനും ജീവിതവും ദൈവത്തിന്റെ വരദാനമാണെന്ന് അഭി.ഏലിയാസ് മാര്‍ യൂലിയോസ് മെത്രാപ്പോലിത്ത ഉദ്‌ബോധിപ്പിച്ചു. കോതമംഗലം മാര്‍തോമാ ചെറിയ പള്ളിയില്‍ നടക്കുന്ന യാക്കോബായ സിറിയന്‍ കണ്‍വെന്‍ഷന്റെ നാലാം ദിവസം ആമുഖ സന്ദേശം നല്‍കുകയായിരുന്നു അദ്ദേഹം. ദൈവഹിതം അനുസരിച്ച് ജീവിതം ഉപയോഗപ്പെടുത്തുന്നവര്‍ക്കാണ് നിത്യജീവന്‍ പ്രാപിക്കാന്‍ കഴിയുന്നതെന്നും അദ്ദേഹം പറഞ്ഞു.
ഫാ.പൗലോസ് പാറേക്കര സുവിശേഷപ്രസംഗം നടത്തി.
ചെറിയപള്ളി വികാരി ഫാ. മനു മാത്യു കാരിപ്ര അധ്യക്ഷതവഹിച്ചു. ടി.യു. കുരുവിള എംഎല്‍എ മുഖ്യാതിഥിയായിരുന്നു. ഫാ. സെബി എല്‍ദോസ് വലിയകുന്നേല്‍ സ്വാഗതം പറഞ്ഞു.കണ്‍വെന്‍ഷന്‍ ഞായറാഴ്ച സമാപിക്കും. രാവിലെ 7.30ന് ഏലിയാസ് മാര്‍ യൂലിയോസ് മെത്രാപ്പോലീത്ത കുര്‍ബാന അര്‍പ്പിക്കും. മാത്യൂസ് മാര്‍ അന്തീമോസ് മെത്രാപ്പോലിത്ത ആമുഖ സന്ദേശം നല്‍കും.
No comments:
Post a Comment