കോതമംഗലം: സമൂഹവും വ്യക്തികളും സ്വന്തം കഴിവിനെ മാത്രം ആശ്രയിക്കാതെ ദൈവിക പ്രാര്‍ഥനയില്‍ കൂടി മുഴുകണമെന്ന് അഭി.സഖറിയാസ് മാര്‍ പോളി കാര്‍പ്പസ് മെത്രാപ്പോലീത്ത വ്യക്തമാക്കി. മാര്‍തോമാ ചെറിയപള്ളി അങ്കണത്തില്‍ നടന്നുവരുന്ന കോതമംഗലം കണ്‍വെന്‍ഷനില്‍ മൂന്നാംദിവസം ആമുഖപ്രഭാഷണം നടത്തുകയായിരുന്നു അദ്ദേഹം.
ലോകത്തിന്റെ സുഖവും പ്രതാപവും മുനഷ്യനെ കൂടുതല്‍ തിന്മയിലേക്ക് നയിക്കുകയാണ്. പ്രാര്‍ത്ഥനയിലൂടെ പരിവര്‍ത്തനത്തിന്റെ പാതയിലേക്ക് നയിക്കുമെന്നും മെത്രാപ്പോലീത്ത പറഞ്ഞു.കുടുംബങ്ങളില്‍ ദൈവവചനം പഠിക്കുകയും വായിക്കുകയും ചെയ്യുമ്പോള്‍ ജീവിതത്തില്‍ കൂടുതല്‍ ഉള്‍ക്കാഴ്ച ലഭിക്കുമെന്ന് മുഖ്യപ്രഭാഷകനായ പ്രെഫ. സാബു ഡി. മാത്യു അഭിപ്രായപ്പെട്ടു. ദിവസേന ഹൈറേഞ്ച് മേഖലയില്‍ നിന്നും വിവിധ പള്ളികളില്‍ നിന്നും പതിനായിരത്തോളം വിശ്വാസികളാണ് കണ്‍വെന്‍ഷനില്‍ പങ്കെടുക്കാനെത്തുന്നത്.കണ്‍വെന്‍ഷനില്‍ ശനിയാഴ്ച രാവിലെ എട്ടിന് കുര്‍ബാന അഭി.സഖറിയാസ് മാര്‍ പോളി കാര്‍പ്പസ് മെത്രാപ്പോലീത്ത നിര്‍വഹിക്കും.വൈകീട്ട് 6.15ന് ആമുഖസന്ദേശം അഭി. ഏലിയാസ് മാര്‍ യൂലിയോസ് മെത്രാപ്പോലീത്തയും ഏഴിന് സുവിശേഷപ്രസംഗം പൗലോസ് പാറേക്കര കോര്‍ എപ്പിസ്‌കോപ്പയും നടത്തും.
No comments:
Post a Comment