തിരുവനന്തപുരം: എസ്.എസ്.എല്‍.സി,ഹയര്‍സെക്കന്‍ഡറി പരീക്ഷകള്‍ തിങ്കളാഴ്ച തുടങ്ങും. 26 വരെയാണ് പരീക്ഷകള്‍. പിറവം തിരഞ്ഞെടുപ്പ് നടക്കുന്ന മാര്‍ച്ച് 17 ലെ പരീക്ഷകള്‍ 26 ലേക്ക് മാറ്റി. 24 ശനിയാഴ്ച പരീക്ഷയുണ്ട്. വെള്ളിയാഴ്ചകളില്‍ പരീക്ഷയില്ല.
ഇത്തവണ 4,70,100 വിദ്യാര്‍ത്ഥികള്‍ എസ്.എസ്.എല്‍.സി പരീക്ഷയെഴുതും. കഴിഞ്ഞ വര്‍ഷത്തെക്കാള്‍ 11,213 പേര്‍ അധികമാണ്. 2758 പരീക്ഷാകേന്ദ്രങ്ങളുണ്ട്. ഉച്ചയ്ക്ക് 1.45 മുതലാണ് പരീക്ഷ. ഇംഗ്ലീഷ്, കണക്ക്,സോഷ്യല്‍ സയന്‍സ് എന്നിവ വൈകീട്ട് 4.30ന് അവസാനിക്കും. ഐ.ടി പരീക്ഷ മൂന്നിനും മറ്റുള്ളവ 3.30നും അവസാനിക്കും.
ഹയര്‍സെക്കന്‍ഡറി പരീക്ഷകള്‍ രാവിലെ 10 ന് തുടങ്ങും. ആദ്യവര്‍ഷം 4,09,503 പേരും രണ്ടാംവര്‍ഷം 3,71,347 പേരും പരീക്ഷയെഴുതും. വി.എച്ച്.എസ്.ഇ യ്ക്ക് രണ്ടുവര്‍ഷങ്ങളിലായി 54,301 പേരാണ് പരീക്ഷയെഴുതുന്നത്.
No comments:
Post a Comment