കുറ്റ സെന്റ്‌ ജോര്‍ജ് യാക്കൊനായ സുറിയാനി പള്ളിയില്‍ ശ്രാദ്ധപ്പെരുന്നാളും മൂറോന്‍ അഭിഷേക കൂദാശയുടെ ജൂബിലി സമാപന സമ്മേളനവും.

കോലഞ്ചേരി: കുറ്റ സെന്റ്‌ ജോര്‍ജ് യാക്കോബായ സുറിയാനി പള്ളിയില്‍ പരിശുദ്ധനായ പൌലോസ് മോര്‍ കൂറിലോസ് തിരുമേനിയുടെ ശ്രാദ്ധപ്പെരുന്നാളും മൂറോന്‍ അഭിഷേക കൂദാശയുടെ ജൂബിലി സമാപന സമ്മേളനവും 9 മുതല്‍ 11 വരെ നടക്കും. വെള്ളി വൈകിട്ട് 6 .30 നു നടക്കുന്ന ജൂബിലി സമാപന സമ്മേളനത്തില്‍ ശ്രേഷ്ഠ കതോലിയ്ക്ക ബസേലിയോസ് തോമസ്‌ പ്രഥമന്‍ ബാവ അധ്യക്ഷത വഹിക്കും. മന്ത്രി വി എസ ശിവകുമാര്‍ സമ്മേളനം ഉദ്ഘാടനം ചെയ്യും. ജൂബിലിയോടനുബന്ധിച്ചു നിര്‍മിച്ചു നല്‍കുന്ന ഭവനത്തിന്റെ താക്കോല്‍ ദാനം അഭി.ഡോ എബ്രാഹം മോര്‍ സേവേറിയോസ് മെത്രാപ്പോലിത്ത നിര്‍വഹിക്കും. വി പി സജീന്ദ്രന്‍ എം എല്‍ എ സുവനീര്‍ പ്രകാശനം ചെയ്യും. വാര്‍ധക്യകാല പെന്‍ഷന്‍ പദ്ധതി ജില്ലാ പഞ്ചായത്ത് പ്രസിഡണ്ട്‌ എല്‍ദോസ് കുന്നപ്പിള്ളി ഉദ്ഘാടനം ചെയ്യും.മുന്‍ വികാരിമാരായ ഫാ സി കെ സജു ചെരുവള്ളില്‍,ഫാ ജോര്‍ജ് കുര്യന്‍ , ട്രസ്റ്റി മാരായിരുന്ന കെ പി പൈലി, കെ പി യോഹന്നാന്‍ എന്നിവരെ ആദരിക്കും. സമ്മേളനാനന്തരം കലാ വിരുന്നുണ്ടാകും. ശനി രാവിലെ 8 നു വി കുര്‍ബ്ബാന വൈകിട്ട് 6 .30 നു പ്രാര്‍ത്ഥന, 7 .45 നു പ്രദക്ഷിണം. ഞായര്‍ രാവിലെ 8 .30 നു അഭി പൌലോസ് മാര്‍ ഐറേനിയോസ് മെത്രാപ്പോലിത്ത വി കുര്‍ബ്ബാന അര്‍പ്പിക്കും. തുടര്‍ന്ന് പ്രദക്ഷിണം, പാച്ചോര്‍ നേര്‍ച്ച,ആശീര്‍വാദം.