അങ്കമാലി: മൂക്കന്നൂര് സെന്റ് ജോര്ജ് സെഹിയോന് യാക്കോബായ പള്ളിയില് എട്ടുമുതല് 11 വരെ പ്രതിഷ്ഠാപെരുന്നാളും സുവിശേഷ മഹായോഗവും നടക്കും. വ്യാഴാഴ്ച വൈകീട്ട് 6.15ന് കൊടിയേറ്റ്, തുടര്ന്ന് ശ്രേഷ്ഠ കാതോലിക്ക ബസേലിയോസ് തോമ്സ പ്രഥമന് ബാവയുടെ മുഖ്യകാര്മികത്വത്തില് സന്ധ്യാപ്രാര്ഥന, ഏഴിന് ശ്രേഷ്ഠ കാതോലിക്ക ബാവ സുവിശേഷമഹായോഗം ഉദ്ഘാടനം ചെയ്യും.
വെള്ളിയാഴ്ച രാവിലെ എട്ടിന് വിശുദ്ധ മൂന്നിന്മേല് കുര്ബാന, വൈകീട്ട് ഏഴിന് നടക്കുന്ന സുവിശേഷ യോഗത്തില് ഫാ. വര്ഗീസ് അരീയ്ക്കല് അധ്യക്ഷനാകും. ശനിയാഴ്ച രാവിലെ 8.15ന് ഏല്യാസ് മാര് അത്തനാസിയോസ് മെത്രാപ്പോലീത്തയുടെ പ്രധാന കാര്മികത്വത്തില് വിശുദ്ധ മൂന്നിന്മേല് കുര്ബാന, സന്ധ്യാപ്രാര്ത്ഥനയ്ക്കുശേഷം രാത്രി 8ന് പൗലോസ് മോര് ഐറേനിയോസ് മെത്രാപ്പോലീത്ത സ്കോളര്ഷിപ്പും ബ്രദര് ജോസഫ് മുണ്ടുമൂഴിക്കര വിവാഹസഹായവും വിതരണം ചെയ്യും. തുടര്ന്ന് പ്രദക്ഷിണം, കരിമരുന്ന് പ്രയോഗം, ഞായറാഴ്ചരാവിലെ ഒന്പതിന് യൂഹാനോന് മോര് മിലിത്തിയോസ് മെത്രാപ്പോലീത്തയുടെ മുഖ്യകാര്മികത്വത്തില് വിശുദ്ധ കുര്ബാന, തുടര്ന്ന് പ്രദക്ഷിണം, പാച്ചോര്നേര്ച്ച, വൈകീട്ട് 5.30ന് ഭക്തസംഘടനകളുടെ വാര്ഷികാഘോഷം. ഉദ്ഘാടനം ബ്രദര് ജോസഫ് ആന്റണി. എ.വി. ജേക്കബ്ബ് കോര് എപ്പിസ്കോപ്പ അധ്യക്ഷനാകും. ഫാ. ഏല്യാസ് ഐപ്പ് പാറയ്ക്കല് അവാര്ഡ്ദാനം നിര്വഹിക്കും. വിവിധ കലാപാരിപാടികളും ഉണ്ടാകും.
No comments:
Post a Comment