മുല്ലപ്പെരിയാര്‍ പ്രശ്നം പരിഹരിക്കുന്നതിനുള്ള പ്രവര്‍ത്തനങ്ങളില്‍ സഭയുടെ പൂര്‍ണ്ണ പിന്തുണ - ശ്രേഷ്ഠ ബസേലിയോസ് തോമസ്‌ പ്രഥമന്‍ കാതോലിയ്ക്കാ ബാവ.

കോതമംഗലം: മുല്ലപ്പെരിയാര്‍ പ്രശ്നം എത്രയും വേഗം പരിഹരിക്കണമെന്നാവശ്യപെട്ടു ടി. യു കുരുവിള എം എല്‍ എ നടത്തിയ ഉപവാസ സമരം ശ്രേഷ്ഠ ബസേലിയോസ് തോമസ്‌ പ്രഥമന്‍ കാതോലിയ്ക്കാ ബാവ ഉദ്ഘാടനം ചെയ്തു. മുല്ലപ്പെരിയാര്‍ പ്രശ്നം പരിഹരിക്കുന്നതിനുള്ള പ്രവര്‍ത്തനങ്ങളില്‍ സഭയുടെ പൂര്‍ണ്ണ പിന്തുണയുമുണ്ടാകുമെന്നു അദ്ദേഹം പറഞ്ഞു. മുല്ലപ്പെരിയാര്‍ പ്രശ്നം വിഷയമാക്കി കോതമംഗലം മാര്‍ത്തോമാ ചെറിയ പള്ളിയില്‍ നടന്ന പ്രാര്‍ത്ഥനായ്ഞജത്തിനു ശേഷം ബാവ വീണ്ടും സമരപന്തലില്‍ എത്തിയിരുന്നു. വിവിധ സാമൂഹിക രാഷ്ട്രിയ തുറകളില്‍ നിന്നുള്ള പ്രമുഘരും എം എല്‍ യ്ക്ക് പിന്തുണ പ്രഖ്യാപിച്ചു ഉപവാസമിരുന്നു. ബിഷപ്‌ മാര്‍ ജോര്‍ജ് പുന്നക്കോട്ടില്‍, മെത്രാപ്പോലിത്തമാരായ അഭി. ജോസഫ്‌ മാര്‍ ഗ്രീഗോറിയോസ് ,അഭി ഏലിയാസ്‌ മാര്‍ അത്താനാസിയോസ്, ടൌണ്‍ മസ്ജിദ് ഇമാം നാസറുദിന്‍ ബഖാഫി, എം എ കോളേജ് അസോ. സെക്രട്ടറി ഡോ വിന്നി വര്‍ഗീസ്‌, ബ്ലോക്ക്‌ പഞ്ചായത്ത് പ്രസിഡണ്ട്‌ കെ എ ജേക്കബ്‌ എന്നിവരോടൊപ്പം പഞ്ചായത്ത് പ്രസിഡന്റുമാര്‍, ആത്മീയ സംഘടനാ പ്രവര്‍ത്തകര്‍ , വിവിധ സാമൂഹിക സന്നദ്ധ സംഘടനാ പ്രവര്‍ത്തകര്‍ തുടങ്ങിയവര്‍ ഉപവാസ സമരത്തില്‍ പങ്കെടുത്തു. നഗരത്തിലെ കടകള്‍ അടച്ചു വ്യാപാരി വ്യവസായികളും സമരത്തിനു പിന്തുണ പ്രഖ്യാപിച്ചു. മൈനര്‍ സെമിനാരി റിക്ടര്‍ ഫാ സ്ടാന്ളി പുല്‍പ്ര നല്‍കിയ നാരങ്ങാനീര് സ്വീകരിച്ചാണ് വൈകിട്ട് ടി യു കുരുവിള എം എല്‍ എ ഉപവാസ സമരം അവസാനിപ്പിച്ചത്.