മഞ്ഞനിക്കര മാര്‍ ഇഗ്നാത്തിയോസ് ദയറയില്‍ കബറടങ്ങിയിരിക്കുന്ന പരിശുദ്ധ ഇഗ്നാത്തിയോസ് ഏലിയാസ് തൃതിയന്‍ പാത്രിയര്‍ക്കീസ് ബാവായുടെ 80 മത് ദുഖ്റോന പെരുന്നാള്‍ ഫെബ്രുവരി 5 മുതല്‍ 11 വരെ മഞ്ഞിനിക്കര ദയറയില്‍ നടക്കും. പരിശുദ്ധ പാത്രിയര്‍ക്കീസ് ബാവായുടെ അപ്പോസ്തോലിക പ്രതിനിധിയും വിദേശ തീര്‍ത്ഥയാത്ര സംഘങ്ങളും ശ്രേഷ്ഠ കാതോലിയ്ക്കാ ആബൂന്‍ മാര്‍ ബസേലിയോസ് തോമസ്‌ പ്രഥമന്‍ ബാവയും യാക്കോബായ സുറിയാനി സഭയിലെ എല്ലാ മെത്രാപ്പോലിത്തമാരും പെരുന്നാളില്‍ സംബന്ധിക്കും. ഫെബ്രുവരി 10 നു വിവിധ ഭാഗങ്ങളില്‍ നിന്ന് ഓമല്ലൂര്‍ കുരിശിങ്കല്‍ എത്തിച്ചേരുന്ന തീര്‍ത്ഥയാത്രാ സംഘങ്ങളെ മെത്രാപ്പോലിത്തമാരുടെ നേതൃത്വത്തില്‍ സ്വീകരിക്കും. തുടര്‍ന്ന് പൊതു സമ്മേളനം. രാത്രി മുഴുവന്‍ അഖണ്ടപ്രാര്‍ത്ഥനയും രാവിലെ ശ്രേഷ്ഠ കാതോലിക്കാ ബാവായുടെയും പരിശുദ്ധ സിംഹാസന പ്രതിനിധിയുടെയും സഭയിലെ മേത്രാപ്പോലിത്തമാരുടെയും കാര്‍മികത്വത്തില്‍ രാവിലെ 5 30 നും 8.30 നും വി. കുര്‍ബ്ബാന ഉണ്ടായിരിക്കും. മഞ്ഞനികര ദയറ തലവനും സിംഹാസന പള്ളികളുടെ അധിപനുമായ അഭി. ഗീവര്‍ഗീസ് മാര്‍ ദിവന്നാസിയോസ് മെത്രാപ്പോലിത്ത ചെയര്‍മാനായി കമ്മിറ്റിയെ തെരഞ്ഞെടുത്തു.
No comments:
Post a Comment