കോലഞ്ചേരി: സെന്റ് പീറ്റേഴ്‌സ് ആന്‍ഡ് സെന്റ് പോള്‍സ് യാക്കോബായ പള്ളിയില്‍ മിഥുനം 29 പെരുന്നാളിന് കൊടിയേറ്റി. 11, 12 തീയതികളില്‍ നടക്കുന്ന യാക്കോബായ വിഭാഗത്തിന്റെ പെരുന്നാളിന് ഞായറാഴ്ച രാവിലെ കുര്‍ബാനയ്ക്കു ശേഷം വികാരി ഫാ. വര്‍ഗീസ് ഇടുമാരി കൊടിയേറ്റി. സഹവികാരി ഫാ. ബേബി മാനാത്ത്, ട്രസ്റ്റിമാരായ സ്ലീബ ഐക്കരക്കുന്നത്ത്, ജോണി മനിച്ചേരില്‍, ബാബു പോള്‍, ജോര്‍ജ് കോടിയാട്ട്, ചാക്കോ പത്രോസ് എന്നിവര്‍ സംബന്ധിച്ചു. 10, 11, 12 തീയതികളിലാണ് പെരുന്നാള്‍. 10ന് രാവിലെ 8.30ന് കുര്യാക്കോസ് മാര്‍ ദിയസ്‌കോറസ് മെത്രാപ്പോലീത്ത കുര്‍ബാനയര്‍പ്പിക്കും. 11ന് 6.30ന് സന്ധ്യാപ്രാര്‍ഥനയ്ക്ക് ഭദ്രാസനാധിപന്‍ ഡോ. മാത്യൂസ് മാര്‍ ഈവാനിയോസ് മെത്രാപ്പോലീത്ത മുഖ്യകാര്‍മികനാകും. 12ന് രാവിലെ 6.45ന് വലിയപള്ളിയില്‍ കുര്‍ബാന നടക്കും. 8.30ന് ചാപ്പലില്‍ ശ്രേഷ്ഠ കാതോലിക്ക ഡോ. ബസ്സേലിയോസ് തോമസ് പ്രഥമന്‍ ബാവ കുര്‍ബാനയ്ക്ക് നേതൃത്വം നല്‍കും. വിദ്യാഭ്യാസ അവാര്‍ഡുകളും ചടങ്ങില്‍ വിതരണം ചെയ്യും.
No comments:
Post a Comment