പിറവം വലിയപള്ളിയില്‍ പൈതല്‍ നേര്ച്ചയ്ക്കായി പതിനായിരങ്ങള്‍ എത്തിച്ചേരുന്നു.

ഉയിര്‍പ്പ് പെരുന്നാളിനോടനുബന്ധിച്ചു പിറവം വലിയ പള്ളിയില്‍ വിശ്വാസികള്‍ പൈതല്‍ നേര്ച്ചക്കുള്ള ഒരുക്കത്തില്‍

പിറവം  വലിയ പള്ളിയില്‍ ഉയിര്‍പ്പ് പെരുന്നാളിനോടനുബന്ധിച്ചു നേര്ച്ച കഴിക്കുന്നതിനായി വിശ്വാസികള്‍ എത്തിത്തുടങ്ങി.12 സ്ലീഹെന്മാരെ  അനുസ്മരിച്ചു  നടത്തുന്നതായ നേര്‍ച്ചയാണ്‌ പൈതല്‍ നേര്ച്ച. പള്ളിയുടെ ആരംഭം തൊട്ടു ഇന്നോളം നാടിന്റെ പലഭാഗത്തുനിന്നായി നാനാജാതി മതസ്ഥരായ പതിനായിരക്കണക്കിന് വിശ്വാസികള്‍ ഇന്നേ ദിവസം പിറവത്ത്  രാജാക്കളുടെ നടയില്‍ നേര്‍ച്ച കഴിക്കുന്നതിനായി എത്തിച്ചേരുന്നു. നെയ്യപ്പം, പഴം, പിടി, നാടന്‍ കോഴിയിറച്ചി, ചെതുംമ്പലുള്ള  മത്സ്യം, ചോറും മറ്റു വിഭവങ്ങളും കൂടെ വിളമ്പുന്നു. ഉയിര്‍പ്പിന്റെ ശുശ്രൂക്ഷയ്ക്ക് ശേഷം, പള്ളി നടയില്‍ നേര്‍ച്ച നടയ്ക്കു വച്ച  ശേഷം പള്ളിമുറ്റത്ത് 12  ആണ്‍  പൈതങ്ങളെ ഇരുത്തി നേര്‍ച്ച വിളമ്പുന്നു. അമ്പതു ദിവസത്തെ നോമ്പും വൃതശുദ്ധിയോടെ, പുത്തന്‍ പാത്രങ്ങളില്‍ ഒരുക്കിയാണ് നേര്‍ച്ച വിളമ്പുന്നത്. അകലെ നിന്നുള്ള ആളുകള്‍ പള്ളിയില്‍ എത്തി പള്ളിയി വച്ചു തന്നെയാണ്  നേര്‍ച്ച ഒരുക്കി വിളമ്പുന്നത്.