പിറവം വലിയ പള്ളിയില് ദുഖ വെള്ളിയാഴ്ച നടന്ന ശുശ്രൂഷയില് നിന്ന് |
പിറവം: യേശുദേവന്റെ കുരിശുമരണത്തെ അനുസ്മരിച്ച് പിറവം വലിയപള്ളിയില് നടന്ന ദുഃഖവെള്ളി ശുശ്രൂഷകളില് ആയിരക്കണക്കിന് വിശ്വാസികള് പങ്കെടുത്തു. ഏഴുമണിക്കൂറിലേറെ നീണ്ട ഭക്തിനിര്ഭരമായ ചടങ്ങുകളില് കടുത്ത ഉപവാസത്തോടെയാണ് വിശ്വാസികള് പങ്കെടുത്തത്. ഗാഗുല്ത്തയിലേക്കുള്ള യേശുദേവന്റെ യാത്രയെ അനുസ്മരിച്ച് വിശ്വാസികള് പള്ളിക്കുചുറ്റും പ്രദക്ഷിണം നടത്തി. ശുശ്രൂഷയില് വികാരി സൈമണ് ചെള്ളിക്കാട്ടില് കോറെപ്പിസ്കോപ്പ മുഖ്യകാര്മികനായി. ഫാ. സ്കറിയ വട്ടയ്ക്കാട്ടില്, ഫാ. റോയി മാത്യൂസ് മേപ്പാടം, ഫാ. വര്ഗീസ് പനിച്ചിയില് എന്നിവര് സഹകാര്മികരായി. വൈകിട്ട് കബറടക്ക ശുശ്രൂഷകള് കഴിഞ്ഞു വിശ്വാസികള് കഞ്ഞികഴിച്ചാണ് മടങ്ങിയത്. 105 പറ അരിയുടെ കഞ്ഞിയാണ് ഇതിനു വേണ്ടി തയാറാക്കിയത്.
No comments:
Post a Comment