മഞ്ഞിനിക്കര(പത്തനംതിട്ട):മലങ്കര യാക്കോബായ സുറിയാനി സഭയുടെ അധീനതയിലുള്ള മഞ്ഞിനിക്കര ദയറയുടെ മുന്‍ അധിപനും സഭയിലെ സിംഹാസന പള്ളികളുടെ സീനിയര്‍ മെത്രാപ്പൊലീത്തയുമായ കുര്യാക്കോസ് മാര്‍ യൂലിയോസ് മെത്രാപ്പൊലീത്ത (78) കാലംചെയ്തു. ഹൃദ്രോഗത്തെ തുടര്‍ന്ന് ശനിയാഴ്ച നാലരയ്ക്ക് മഞ്ഞിനിക്കര ദയറയില്‍ ആയിരുന്നു അന്ത്യം. കബറടക്കം തിങ്കളാഴ്ച 12ന് ശ്രേഷ്ഠ കാതോലിക്കാബാവ ആബൂന്‍ മോര്‍ ബസേലിയോസ് തോമസ് പ്രഥമന്റെ മുഖ്യ കാര്‍മികത്വത്തില്‍ മഞ്ഞിനിക്കര ദയറയില്‍ നടക്കും.
ദമാസ്‌കസില്‍ പരിശുദ്ധ പാത്രിയാര്‍ക്കീസ് ബാവയുടെ സെക്രട്ടറിയായി 1984 മുതല്‍ 2004 വരെ പ്രവര്‍ത്തിച്ചിട്ടുണ്ട്. 1933 ജൂലായ് ആറിന് കുട്ടനാട് വെളിയനാട് കൊച്ചുപുരയ്ക്കല്‍ വര്‍ക്കിയുടെയും ഏലിയുടെയും രണ്ടാമത്തെ മകനായിട്ടാണ് ജനനം. വെളിയനാട് ഗവ. എല്‍.പി.എസ്സിലായിരുന്നു പ്രാഥമിക വിദ്യാഭ്യാസം. ചങ്ങനാശ്ശേരി എസ്.ബി. കോളേജില്‍നിന്ന് ബി.എസ്.സി. ബിരുദമെടുത്തു. ദൈവശാസ്ത്രപഠനം മഞ്ഞിനിക്കരയിലായിരുന്നു. അമേരിക്കയില്‍നിന്ന് ഫിലോസഫിയിലും ഇറ്റലിയില്‍നിന്ന് ദൈവശാസ്ത്രത്തിലും ഡോക്ടറേറ്റ് എടുത്ത അദ്ദേഹം, 1955ല്‍ ഏലിയാസ് മാര്‍ യൂലിയോസിസില്‍ നിന്ന് ശെമ്മാശപ്പട്ടം സ്വീകരിച്ചു.
1990-ല്‍ റമ്പാനായി. 1998-ല്‍ ദമാസ്‌കസില്‍, പാത്രിയാര്‍ക്കീസ് ബാവ മെത്രാപ്പൊലീത്തയായി വാഴിച്ചു. 2003-ലാണ് മഞ്ഞിനിക്കരയില്‍ എത്തിയത്. 2004-ല്‍ ബന്യാമിന്‍ മാര്‍ ഒസ്താത്തിയോസ് കാലംചെയ്തപ്പോള്‍ ദയറയുടെ അധിപനായി. രണ്ടുവര്‍ഷം മുമ്പാണ് ദയറാധിപസ്ഥാനം ഒഴിഞ്ഞത്. തുടര്‍ന്ന് എറണാകുളം പെരുമ്പള്ളി, പിറമാടം ദയറകളില്‍ വിശ്രമജീവിതം നയിച്ചുവരികയായിരുന്നു.
ശിഷ്ടകാലം ചെലവഴിക്കാന്‍ കഴിഞ്ഞ വ്യാഴാഴ്ചയാണ് ഇദ്ദേഹം മഞ്ഞിനിക്കരയിലെത്തിയത്. ശനിയാഴ്ച രാവിലെയും കുര്‍ബാനയില്‍ പങ്കെടുത്തിരുന്നു.
ഭൗതികശരീരം എംബാംചെയ്ത ശേഷം മഞ്ഞിനിക്കര ദയറയില്‍ എത്തിച്ചു. തിങ്കളാഴ്ച രാവിലെ 10ന് ഓമല്ലൂര്‍ കവല വരെ നഗരികാണിക്കല്‍ ചടങ്ങ് നടക്കും. ഇതിനുശേഷമാണ് കബറടക്ക ചടങ്ങുകള്‍. യാക്കോബായ സഭയിലെ മെത്രാപ്പൊലീത്തമാരും ചടങ്ങില്‍ പങ്കെടുക്കും.
ചാക്കോ, വര്‍ഗ്ഗീസ് എന്നിവരാണ് കാലംചെയ്ത മെത്രാപ്പൊലീത്തയുടെ സഹോദരങ്ങള്‍.
ദമാസ്‌കസില്‍ പരിശുദ്ധ പാത്രിയാര്‍ക്കീസ് ബാവയുടെ സെക്രട്ടറിയായി 1984 മുതല്‍ 2004 വരെ പ്രവര്‍ത്തിച്ചിട്ടുണ്ട്. 1933 ജൂലായ് ആറിന് കുട്ടനാട് വെളിയനാട് കൊച്ചുപുരയ്ക്കല്‍ വര്‍ക്കിയുടെയും ഏലിയുടെയും രണ്ടാമത്തെ മകനായിട്ടാണ് ജനനം. വെളിയനാട് ഗവ. എല്‍.പി.എസ്സിലായിരുന്നു പ്രാഥമിക വിദ്യാഭ്യാസം. ചങ്ങനാശ്ശേരി എസ്.ബി. കോളേജില്‍നിന്ന് ബി.എസ്.സി. ബിരുദമെടുത്തു. ദൈവശാസ്ത്രപഠനം മഞ്ഞിനിക്കരയിലായിരുന്നു. അമേരിക്കയില്‍നിന്ന് ഫിലോസഫിയിലും ഇറ്റലിയില്‍നിന്ന് ദൈവശാസ്ത്രത്തിലും ഡോക്ടറേറ്റ് എടുത്ത അദ്ദേഹം, 1955ല്‍ ഏലിയാസ് മാര്‍ യൂലിയോസിസില്‍ നിന്ന് ശെമ്മാശപ്പട്ടം സ്വീകരിച്ചു.
1990-ല്‍ റമ്പാനായി. 1998-ല്‍ ദമാസ്‌കസില്‍, പാത്രിയാര്‍ക്കീസ് ബാവ മെത്രാപ്പൊലീത്തയായി വാഴിച്ചു. 2003-ലാണ് മഞ്ഞിനിക്കരയില്‍ എത്തിയത്. 2004-ല്‍ ബന്യാമിന്‍ മാര്‍ ഒസ്താത്തിയോസ് കാലംചെയ്തപ്പോള്‍ ദയറയുടെ അധിപനായി. രണ്ടുവര്‍ഷം മുമ്പാണ് ദയറാധിപസ്ഥാനം ഒഴിഞ്ഞത്. തുടര്‍ന്ന് എറണാകുളം പെരുമ്പള്ളി, പിറമാടം ദയറകളില്‍ വിശ്രമജീവിതം നയിച്ചുവരികയായിരുന്നു.
ശിഷ്ടകാലം ചെലവഴിക്കാന്‍ കഴിഞ്ഞ വ്യാഴാഴ്ചയാണ് ഇദ്ദേഹം മഞ്ഞിനിക്കരയിലെത്തിയത്. ശനിയാഴ്ച രാവിലെയും കുര്‍ബാനയില്‍ പങ്കെടുത്തിരുന്നു.
ഭൗതികശരീരം എംബാംചെയ്ത ശേഷം മഞ്ഞിനിക്കര ദയറയില്‍ എത്തിച്ചു. തിങ്കളാഴ്ച രാവിലെ 10ന് ഓമല്ലൂര്‍ കവല വരെ നഗരികാണിക്കല്‍ ചടങ്ങ് നടക്കും. ഇതിനുശേഷമാണ് കബറടക്ക ചടങ്ങുകള്‍. യാക്കോബായ സഭയിലെ മെത്രാപ്പൊലീത്തമാരും ചടങ്ങില്‍ പങ്കെടുക്കും.
ചാക്കോ, വര്‍ഗ്ഗീസ് എന്നിവരാണ് കാലംചെയ്ത മെത്രാപ്പൊലീത്തയുടെ സഹോദരങ്ങള്‍.
No comments:
Post a Comment