മുളന്തുരുത്തി മാര്‍ത്തോമന്‍ കത്തീഡ്രലില്‍ ജൂബിലി പെരുന്നാള്‍ ഇന്ന് തുടങ്ങും

മുളന്തുരുത്തി:  മാര്‍ത്തോമന്‍ കത്തീഡ്രലില്‍ മോര്‍ തോമാ ശ്ലീഹായുടെ ചരമസ്മരണ ജൂബിലി പെരുന്നാള്‍ 18 മുതല്‍ 21 വരെ ആഘോഷിക്കും. 18ന് രാവിലെ 7.30ന് ഇടവക മെത്രാപ്പോലീത്ത ജോസഫ് മാര്‍ ഗ്രിഗോറിയോസ് കൊടി ഉയര്‍ത്തും. ഐസക്‌മോര്‍ ഒസ്താത്തിയോസ് കുര്‍ബാന അര്‍പ്പിക്കും. 19ന് ജോസഫ് മാര്‍ ഗ്രിഗോറിയോസ് തിരുമേനിയുടെ നേതൃത്വത്തില്‍ കുര്‍ബാന, 20ന് കുര്യാക്കോസ് മോര്‍ സേവേറിയോസിന്റെ നേതൃത്വത്തില്‍ കുര്‍ബാന എന്നിവയുണ്ടാകും.

സമാപനദിവസമായ 21ന് ശ്രേഷ്ഠകാതോലിക്ക ബസേലിയോസ് തോമസ് പ്രഥമന്‍ ബാവ കുര്‍ബാന അര്‍പ്പിക്കും. വിശുദ്ധന്റെ തിരുശേഷിപ്പ് വണക്കം, പ്രദക്ഷിണം, നേര്‍ച്ചസദ്യ എന്നിവ ഉണ്ടാകും. മുളന്തുരുത്തി മുത്തപ്പന്റെ മധുര നേര്‍ച്ച 18 മുതല്‍ വിതരണം ചെയ്യും.