പിറവം: യാക്കോബായ വിഭാഗക്കാര്‍ ആരാധനാ സ്വാതന്ത്ര്യം അനുവദിച്ചു
കിട്ടുന്നതിനു വേണ്ടി ധര്‍മസമരം നടത്തുന്ന മാമ്മലശ്ശേരി മാര്‍ മിഖായേല്‍
പള്ളിയില്‍ ഫാ. വര്‍ഗീസ് പുല്യാട്ടേല്‍ നടത്തുന്ന അനിശ്ചിതകാല നിരാഹാരം നാലാംദിവസത്തിലെക്കു കടന്നു.ഡോ. മാത്യൂസ് മാര്‍ അന്തിമോസ്
മെത്രാപ്പോലീത്തയുടെ സാന്നിദ്ധ്യത്തില്‍ പ്രാര്‍ഥനായജ്ഞപ്പന്തലില്‍ നടത്തിയ
പ്രാര്‍ഥനയെ തുടര്‍ന്നാണ് ഫാ. വര്‍ഗീസ് പുല്യാട്ടേല്‍ അനിശ്ചിതകാല
നിരാഹാരം ആരംഭിച്ചത്.
അതേ സമയം പള്ളിക്ക് മുന്നില്‍ യാക്കോബായ വിശ്വാസികള്‍ നടത്തുന്ന
പ്രാര്‍ഥനായജ്ഞം 259 ദിവസം പിന്നിട്ടു. കഴിഞ്ഞ മെയ് 15-നാണ്
പ്രാര്‍ഥനായജ്ഞം തുടങ്ങിയത്. അതോടെ പള്ളി അടച്ച നിലയിലാണ്. യാക്കോബായ
വിഭാഗം നടത്തുന്ന ധര്‍മസമരം ഉത്തരവാദപ്പെട്ടവര്‍ കണ്ടില്ലെന്ന്
നടിക്കുകയാണെന്ന് പരാതിയുണ്ട്. അധികൃതരുടെ ഈ സമീപനത്തില്‍ പ്രതിഷേധിച്ചാണ്
ഫാ. വര്‍ഗീസ് പുല്യാട്ടേല്‍ നിരാഹാര സമരം ആരംഭിച്ചത്.
No comments:
Post a Comment