ഡയാലിസിസിലൂടെയാണ് പ്രസീദ് ഇന്ന് ജീവിച്ചിരിക്കുന്നത്‌. അതും സുഹൃത്തുക്കളുടെയും ബന്ധുക്കളുടെയും കരുണയാല്‍. ആഴ്ച്ചയില്‍ മൂന്നു ദിവസം ഡയാലിസിസ് ചെയ്തില്ലങ്കില്‍ ശരീരം നീര്‍ക്കെട്ടും. ഇനിയുള്ള ഏകമാര്‍ഗം വൃക്ക മാറ്റിവെക്കല്‍ മാത്രമാണന്നു വൈദ്യശാസ്ത്രം വിധിയെഴുതി. വൃക്ക നല്‍കാന്‍ ഷൈല തയാറാ ണെങ്കിലും ഓപ്പറേഷനുള്ള 5 ലക്ഷം രൂപ കണ്ടെത്താന്‍ ഈ കുടുംബത്തിനു കഴിയുന്നില്ല.
മൂന്നിലും ഒന്നിലും പഠിക്കുന്ന അഭിരാമും അഭിദേവും അച്ഛന്റെ പോന്നോമനകളാണ്. ഇവരുടെ പഠിത്തം പോലും വ്യാസ വിദ്യാലയത്തിലെ നടത്തിപ്പുകാരുടെ കരുണയിലാണ്. പ്രായമായ മാതാവിന് മകന്റെ ദുരവസ്ഥയില്‍ കണ്ണീര്‍വാര്‍ക്കാനേ കഴിയുന്നുള്ളൂ.മരപണിക്കാരനായ പ്രസീദിനു വൃക്ക മാറ്റി വച്ചാല്‍ മാത്രമേ ജീവിതത്തിലേക്ക് തിരിച്ചു വരാന്‍ കഴിയുകയുള്ളൂ എന്ന് എറണാകുളം പി വി എസ് ഹോസ്പിറ്റലിലെ ഡോക്ടര്‍ ജോജി കെ നൈനാന്‍ വ്യക്തമാക്കുന്നു. പ്രദേശവാസികളും സന്നദ്ധ സംഘടനകളും നല്‍കുന്ന സഹായത്തിലാണ് ഇത് വരെ ഡയാലിസിസ് നടത്തിയത്.
പിറവം രാജാധിരാജ സെന്റ്‌ മേരീസ്‌ യാക്കോബായ സുറിയാനി കത്തീഡ്രല്‍ യൂത്ത് അസോസിയേഷന്റെ ആഭിമുഖ്യത്തില്‍ ചികിത്സാ സഹായ നിധി രൂപീകരിച്ചിട്ടുണ്ട്. സഹവികാരി ഫാ.ലാല്‍മോന്‍ പട്ടരുമഠത്തിന്റെയും പ്രസീദിന്റെ ഭാര്യ ഷൈലയുടെയും പേരില്‍ പിറവം എസ് ബി റ്റി യില്‍ അക്കൌണ്ട് തുറന്നിട്ടുണ്ട്.
IFSC Code : SBTR 0000160
No comments:
Post a Comment