പള്ളിക്കര സെന്റ് മേരീസ് യാക്കോബായ കത്തീഡ്രലിലെ യൂത്ത് അസോസിയേഷന്‍ വിധവയായ മോറയ്ക്കാല പള്ളിമുകള്‍ കോളനിയിലെ കക്കാടന്‍ മറിയാമ്മ വര്‍ഗീസിന്വീട് നിര്‍മിച്ചുകൊടുക്കുന്നു.ഇതിനു പ്രോത്സാഹനമായി മലയാറ്റൂരിലെ യുവ കല്പണിക്കാരായ തോപ്പില്‍ രാജു,തോപ്പില്‍പറമ്പില്‍ സുബാഷ്, കാരോക്കാട്ട് ഷാജു, ആപ്പിള്ളി സലി എന്നിവര്‍മുഴുവന്‍ കല്പണികളും കൂലിവാങ്ങതെ ചെയ്യും. ഇവരുടെ നേതൃത്വത്തില്‍ വീടുനിര്‍മാണം ആരംഭിച്ചു. കട്ടിളവെപ്പ് കത്തീഡ്രല്‍ വികാരി ഫാ. ബാബുവര്‍ഗീസ് നിര്‍വഹിച്ചു.
ജില്ലയില്‍ പത്ത് വീടുകള്‍ നിര്‍മിച്ചുകൊടുക്കാനാണ് ഇവര്‍ തീരുമാനിച്ചിട്ടുള്ളത്. വീടില്ലാത്ത നിര്‍ധനര്‍ക്കാണ് ഇവരുടെ സഹായം ലഭിക്കുന്നത്. ഞായറാഴ്ചകളിലും ഒഴിവു ദിവസങ്ങളിലുമായി നാലുദിവസത്തിനുള്ളില്‍ വീടുപണിയാനാകുമെന്നാണ് ഇവര്‍ പറയുന്നത്.
കട്ടിളവെപ്പ് ചടങ്ങില്‍ യൂത്ത് അസോസിയേഷന്‍ ഭാരവാഹികളും പള്ളി ഭരണസമിതിയംഗങ്ങളും കൂടാതെ പഞ്ചായത്ത് പ്രസിഡന്റ് ഷൈല നൗഷാദും പങ്കെടുത്തു.
No comments:
Post a Comment