കോലഞ്ചേരി: സഭാതര്‍ക്കത്തെത്തുടര്‍ന്ന് പൂട്ടിക്കിടക്കുന്ന കോലഞ്ചേരി സെന്റ് പീറ്റേഴ്‌സ് ആന്‍ഡ് സെന്റ് പോള്‍സ് പള്ളിയകത്ത് വിശ്വാസികള്‍ നിക്ഷേപിച്ച നേര്‍ച്ചപ്പണം സംരക്ഷിക്കുന്നതിനായി മൂവാറ്റുപുഴ ആര്‍.ഡി.ഒ. വിളിച്ചുചേര്‍ത്ത ചര്‍ച്ചയില്‍ തീരുമാനമായില്ല. പള്ളിയകത്തെ ആയിരക്കണക്കിന് രൂപ നശിക്കുന്നതായി വാര്‍ത്ത പരന്നതോടെയാണ് ആര്‍.ഡി.ഒ. ഇടപെട്ട് ഓര്‍ത്തഡോക്‌സ്-യാക്കോബായ വിഭാഗങ്ങളെ മൂവാറ്റുപുഴ ആര്‍.ഡി.ഒ. ഓഫീസില്‍ ചര്‍ച്ചയ്ക്ക് വിളിച്ചത്. ബുധനാഴ്ച ഉച്ചയ്ക്ക് നടന്ന ചര്‍ച്ചയില്‍ യാക്കോബായ വിഭാഗം പണം സംരക്ഷിക്കണമെന്ന് സമ്മതിച്ചെങ്കിലും പള്ളിയെ സംബന്ധിച്ച കേസ് കോടതിയുടെ പരിഗണനയില്‍ ഇരിക്കുന്നതിനാല്‍ സര്‍ക്കാര്‍ ഇടപെടല്‍ അംഗീകരിക്കുവാനാകില്ലെന്ന് ചൂണ്ടിക്കാട്ടി ഓര്‍ത്തഡോക്‌സ് വിഭാഗം പിന്മാറുകയായിരുന്നു. ഒരു വര്‍ഷത്തിലധികമായി അടഞ്ഞുകിടക്കുന്ന പള്ളിയില്‍ പൂമുഖത്തെ ഭണ്ഡാരം നിറഞ്ഞപ്പോഴാണ് വിശ്വാസികള്‍ പണം പള്ളിയകത്തേക്ക് എറിയാന്‍ തുടങ്ങിയത്. പ്രാവിന്‍കാഷ്ടവും, പൊടിയും വെള്ളവും കൊണ്ട് ആയിരവും, അഞ്ഞൂറും, നൂറും അടങ്ങുന്ന കറന്‍സി നോട്ടുകള്‍ നശിച്ചുതുടങ്ങിയതോടെയാണ് ആര്‍.ഡി.ഒ. ഇടപെട്ടത്. ഇതുസംബന്ധിച്ച് ജില്ലാ കളക്ടര്‍ക്ക് ആര്‍.ഡി.ഒ. റിപ്പോര്‍ട്ട് നല്‍കും.
Subscribe to:
Post Comments (Atom)
SYRIAC PORTALS
• Syriac Orthodox Resources
• Syriac Christianity
• Theeram
• Jacobite Syrian Church
• JSC Foreign Affairs
• MJSSA (Sunday School Association)
• MGJSM (Students Movement)
• JSCYA (Youth Association)
• Evangelical Association
• St. Paul's Mission
• Mor Gregorian Centre
• Honnavar Mission
• Niranam Diocese
• Knanaya Diocese
• Kandanad Diocese
• Kochi Diocese
• Kottayam Diocese
• Malankara
No comments:
Post a Comment