പറവൂര്: സെന്റ് തോമസ് യാക്കോബായ സുറിയാനി പള്ളിയില് പരിശുദ്ധ അബ്ദുള് ജലീല് മോര് ഗ്രിഗോറിയോസ് ബാവയുടെ 331-ാം ശ്രാദ്ധ പെരുന്നാളിന് കൊടിയേറി.
സക്കറിയ മാര് പോളികാര്പ്പോസ് മെത്രാപ്പോലീത്ത മുഖ്യകാര്മികത്വം വഹിച്ചു. വികാരി ഫാ. ഏലിയാസ് കൈപ്രമ്പാട്ട്, ഫാ. മാത്യൂസ് പാറയ്ക്കല്, ഫാ. പൗലോസ് കുരിയപ്പുറം, പള്ളി സെക്രട്ടറി ഇ.എ. ജേക്കബ് ഈരാളില് തുടങ്ങിയവര് സംബന്ധിച്ചു. 25ന് ഡല്ഹി മൈലാപ്പൂര് ഭദ്രാസന മെത്രാപ്പോലീത്ത ഐസക് മോര് ഒസ്താത്തിയോസിന്റെ കാര്മികത്വത്തില് കുര്ബാന, വിശുദ്ധ കബറിങ്കല് ധൂപപ്രാര്ത്ഥന എന്നിവയുണ്ട്.
വൈകീട്ട് 7ന് സണ്ഡേ സ്കൂള് വാര്ഷികാഘോഷം അന്ത്യോഖ്യാ വിശ്വാസസംരക്ഷണ സമിതി പ്രസിഡന്റ് ഡോ. ഏലിയാസ് മോര് അത്തനാസിയോസ് ഉദ്ഘാടനം ചെയ്യും.
26ന് കൊല്ലം ഭദ്രാസന മെത്രാപ്പോലീത്ത മാത്യൂസ് മോര്തോവോദോസിയോസിന്റെ കാര്മികത്വത്തില് വിശുദ്ധ കുര്ബാന, ഗീവര്ഗീസ് മോര് അത്താനിയോസിന്റെ കാര്മികത്വത്തില് വിശുദ്ധ കബറിങ്കല് ധൂപപ്രാര്ത്ഥന, നവാഭിഷിക്തരായ മെത്രാപ്പോലീത്തമാര്ക്ക് സ്വീകരണം, കാല്നട തീര്ത്ഥാടകര്ക്ക് സ്വീകരണം, സന്ധ്യാപ്രാര്ത്ഥന.
27ന് ഭദ്രാസന മെത്രാപ്പോലീത്ത ഡോ. എബ്രഹാം മോര് സേവേറിയോസിന്റെ കാര്മികത്വത്തില് കുര്ബാന. വിശുദ്ധ കബറിങ്കല് ധൂപപ്രാര്ത്ഥന. ഉച്ചയ്ക്ക് 12.30 മുതല് നേര്ച്ച വിളമ്പ് തുടങ്ങും.
No comments:
Post a Comment