കൊച്ചി: ആരക്കുന്നം സെന്റ്‌ ജോര്‍ജ്‌ യാക്കോബായ സുറിയാനി പള്ളിയില്‍ ശിലാസ്‌ഥാപന പെരുന്നാളും ഇടവകസംഗമവും 19ന് നടക്കും. രാവിലെ 8.30ന് കുര്യാക്കോസ്‌ മോര്‍ ദിയസ്‌കോറോസ്‌ മെത്രാപ്പോലീത്തായുടെ പ്രധാന കാര്‍മികത്വത്തില്‍ വി. കുര്‍ബാനയെത്തുടര്‍ന്ന്‌ ഇടവകയിലെ വിടവാങ്ങിയ പൂര്‍വികരെ അനുസ്‌മരിക്കും. 3ന് കുടുംബയൂണിറ്റുകളുടെ റാലി സഭാ സെക്രട്ടറി തമ്പു ജോര്‍ജ്‌ തുകലന്‍ ഉദ്‌ഘാടനം ചെയ്യും. തുടര്‍ന്ന്‌ നടക്കുന്ന പൊതുസമ്മേളനം ജനസേവ ശിശുഭവന്‍ ഡയറക്‌ടര്‍ ജോസ്‌ മാവേലി ഉദ്‌ഘാടനം ചെയ്യും. ഫാ. ലൂയിസ്‌ വെള്ളാനിക്കല്‍ മുഖ്യപ്രഭാഷണം നടത്തും. പെരുന്നാള്‍ ചടങ്ങുകള്‍ക്ക്‌ വികാരിമാരായ ഫാ. മാത്യു പോള്‍ കാട്ടുമങ്ങാട്ട്‌, ഫാ. ഡാര്‍ലി എടപ്പങ്ങാട്ടില്‍, ഫാ. ജേക്കബ്‌ ചിറ്റേത്ത്‌, ട്രസ്റ്റിമാരായ ജോണ്‍ കല്ലിടുമ്പില്‍, ബോസ്‌ കുര്യാക്കോസ്‌ എന്നിവര്‍ നേതൃത്വം നല്‍കും.
No comments:
Post a Comment