ആലുവ: ആലുവ തൃക്കുന്നത്ത്‌ സെന്റ്‌ മേരീസ്‌ യാക്കോബായ സുറിയാനി പള്ളിയിലെ പരിശുദ്ധ പിതാക്കന്മാരുടെ സംയുക്‌ത ഓര്‍മപ്പെരുന്നാള്‍ ഇന്നുമുതല്‍ 26 വരെ ആചരിക്കും.
ഇന്ന്‌ രാവിലെ എട്ടിന്‌ ഡോ. മാത്യൂസ്‌ മാര്‍ അന്തിമോസ്‌ മെത്രാപ്പോലീത്ത വി. കുര്‍ബാന അര്‍പ്പിക്കും. 10ന് അഖില മലങ്കര ക്വിസ്‌ മല്‍സര വിജയികള്‍ക്ക്‌ ട്രോഫി, ക്യാഷ്‌ അവാര്‍ഡ്‌ വിതരണം, 10.30ന് ശ്രേഷ്ഠ കാതോലിക്ക ബാവായുടെ നേതൃത്വത്തില്‍ കൊടികയറ്റം, 10.45ന് അഖില മലങ്കര പ്രാര്‍ഥന യജ്‌ഞം, വൈകിട്ട്‌ ആറിന്‌ സന്ധ്യാ പ്രാര്‍ഥന, 6.30ന് സണ്ടേ സ്‌കൂള്‍, യൂത്ത്‌ അസോസിയേഷന്‍, മര്‍ത്തമറിയം വനിതാ സമാജം എന്നിവയുടെ സംയുക്‌ത വാര്‍ഷികം എന്നിവ നടക്കും.
23ന് രാവിലെ 7.30ന് റവ. ഫാ. ഷൈബി ജേക്കബ്‌ മഴുവഞ്ചേരിയുടെ കാര്‍മികത്വത്തില്‍ വി. കുര്‍ബാന, വൈകിട്ട്‌ ആറിന്‌ സന്ധ്യാപ്രാര്‍ഥന, 6.30ന് റവ. ഫാ. ഏല്യാസ്‌ കാപ്പുംകുഴിയിലിന്റെ സുവിശേഷപ്രസംഗം.24ന് രാവിലെ 7.30ന് റവ. ഫാ. ഏബ്രഹാം ജെ. വലിയപറമ്പിലിന്റെ നേതൃത്വത്തില്‍ വി. കുര്‍ബാന, വൈകിട്ട്‌ ആറിന്‌ സന്ധ്യാപ്രാര്‍ഥന, 6.30ന് റവ. ഫാ. ടിജു വര്‍ഗീസ്‌ പൊന്‍പള്ളിയുടെ സുവിശേഷപ്രസംഗം.25ന് രാവിലെ 8.15ന് ഡോ. ജോസഫ് മാര്‍ ഗ്രിഗോറിയോസ്‌ മെത്രാപ്പോലീത്തായുടെ കാര്‍മികത്വത്തില്‍ വി. കുര്‍ബാന അകപ്പറമ്പ്‌ പള്ളിയില്‍ നിന്നുവരുന്ന കാല്‍നട തീര്‍ഥാടകര്‍ക്ക്‌ ഉച്ചയ്‌ക്ക് ഒന്നിന്‌ ആലുവ ബൈപാസിലും 1.30ന് നഗരസഭാ കവാടത്തിലും സ്വീകരണം നല്‍കും. വൈകിട്ട്‌ 5.30ന് നവാഭിഷിക്‌തരായ മെത്രാപ്പോലീത്തമാര്‍ക്ക്‌ സ്വീകരണം. 6.30ന് സന്ധ്യാപ്രാര്‍ഥന, 7.30ന് പ്രദക്ഷിണം, 9.30ന് സൂത്താറ.
26ന് രാവിലെ 8.15ന് ശ്രേഷ്ഠ കാത്തോലിക്ക ബാവായുടെയും മെത്രാപ്പോലീത്തമാരുടെയും കാര്‍മകിത്വത്തില്‍ വി. അഞ്ചിന്മേല്‍ കുര്‍ബാന, തുടര്‍ന്ന്‌ പ്രസംഗം, ധൂപ പ്രാര്‍ഥന, 11ന് പ്രദക്ഷിണം, 12.30ന് ആശീര്‍വാദം, 12.45ന് നേര്‍ച്ചസദ്യ, മൂന്നിന്‌ കൊടി ഇറക്കല്‍ എന്നിവയാണു ചടങ്ങുകള്‍. തൃക്കുന്നത്തു പള്ളിയില്‍ വിശ്രമം കൊള്ളുന്ന അമ്പാട്ട്‌ ഗീവര്ഗീസ് മാര്‍ കൂറിലോസ്, കടവില്‍ പൗലോസ് മാര്‍ അത്തനാസ്യോസ്‌, കുറ്റിക്കാട്ടില്‍ പൗലോസ് മാര്‍ അത്തനാസ്യോസ്‌, വയലിപറമ്പില്‍ ഗീവര്ഗീസ് മാര്‍ ഗ്രിഗോറിയോസ്‌ എന്നീ പിതാക്കന്മാരുടെ ഓര്‍മപ്പെരുന്നാളാണ്‌ ആചരിക്കുന്നത്‌.
1 comment:
GOOD, GOOD, GOOD,
WE WANT ALL OUR PROPERTY BACK.
TIGHT, TIGHT,EVERY DAY TIGHT.
Post a Comment