കോലഞ്ചേരി: കടമറ്റം സെന്റ് ജോര്‍ജ് യാക്കോബായ പള്ളിയിലെ കുടുംബ യൂണിറ്റുകളുടെ ആഭിമുഖ്യത്തില്‍ നടത്തുന്ന ഇടവക മഹാസംഗമത്തിന് ഒരുക്കങ്ങള്‍ പൂര്‍ത്തിയായതായി സംഘാടകര്‍ പത്രസമ്മേളനത്തില്‍ അറിയിച്ചു. ഞായറാഴ്ച വൈകീട്ട് 4ന് പെരുവംമൂഴിയില്‍ നിന്ന് രണ്ടായിരത്തോളം ഇടവക അംഗങ്ങള്‍ പങ്കെടുക്കുന്ന റാലി തുടങ്ങും. ഏറ്റവും നല്ല കുടുംബയൂണിറ്റ് നടത്തുന്ന റാലിക്ക് സമ്മാനമുണ്ട്. വൈകീട്ട് അഞ്ചിന് ഡോ. മാത്യൂസ് മോര്‍ ഈവാനിയോസ് മെത്രാപ്പോലീത്തയുടെ അധ്യക്ഷതയില്‍ നടക്കുന്ന സമ്മേളനം വി.പി. സജീന്ദ്രന്‍ എംഎല്‍എ ഉദ്ഘാടനം ചെയ്യും. സഭാ സെക്രട്ടറി തമ്പു ജോര്‍ജ് തുകലന്‍ മുഖ്യപ്രഭാഷണം നടത്തും. ഇടവകയിലെ തിരഞ്ഞെടുക്കപ്പെട്ട ജനപ്രതിനിധികള്‍ക്ക് അനുമോദനവും ചടങ്ങില്‍ നല്‍കും. സ്‌നേഹവിരുന്നും ഉണ്ടാകും. ഇടവകയിലെ 16 യൂണിറ്റുകളില്‍ നിന്നായി മൂവായിരത്തിലധികം പേര്‍ സമ്മേളനത്തില്‍ പങ്കെടുക്കും.
പത്രസമ്മേളനത്തില്‍ വികാരിമാരായ ഫാ. ജോര്‍ജ് കളപ്പുരയ്ക്കല്‍, ഫാ. യൂഹാനോന്‍ ബിനു കോഴിക്കോട്, കെ.വി. പൗലോസ്, ജോര്‍ജ് കെ. ജോണ്‍, ടി.ജെ. ബാബു, പി.പി. സജി, ബിജു കുര്യാക്കോസ് എന്നിവര്‍ സംബന്ധിച്ചു.
No comments:
Post a Comment