പിറവം: സെന്‍റ് മേരീസ്‌ യാക്കോബായ സുറിയാനി പള്ളിയില്‍ നാളെ നടക്കുന്ന ഇടവക സംഗമത്തോടനുബന്ധിച്ചു വിളംബര റാലി നടത്തി.ഇന്ന് ഉച്ചകഴിഞ്ഞു 2 മണിക്ക് യൂത്ത് അസോസിയേഷന്റെയും കേഫ ,യൂണിറ്റിന്റെയും ആഭിമുഖ്യത്തില്‍ പാത്രിയര്‍ക്ക പതാക വഹിച്ചുകൊണ്ടുള്ള വിളംബര റാലി രാവിലെ പള്ളിയില്‍ നിന്നും ആരംഭിച്ചു.വികാരി വന്ദ്യ സൈമണ്‍ ചെല്ലിക്കാട്ടില്‍ കോര്‍ എപ്പിസ്കോപ്പ റാലി ഫ്ലാഗ് ഓഫ്‌ ചെയ്തു.ഇടവകയുടെ വിവിധ സ്ഥലങ്ങളിലെ കുടുംബ യൂണിറ്റുകളുടെ സ്വീകരണങ്ങള്‍ക്ക് ശേഷം തിരികെ പിറവം വലിയ പള്ളിയില്‍ എത്തി ചേര്‍ന്നു. ഡിസംബര്‍ 18 ഞായറാഴ്ച ഉച്ചകഴിഞ്ഞ് 3 .30 ന് കുടുംബയൂണിറ്റുകളുടെ റാലി സെന്‍റ് ജോസഫ് സ്കൂള്‍ ഗ്രൗണ്ടില്‍ നിന്നും ആരംഭിക്കും.തുടര്‍ന്ന് നടക്കുന്ന പൊതു സമ്മേളനത്തില്‍ ഇടവക മെത്രാപോലീത്ത അഭി.മാത്യൂസ്‌ മോര്‍ ഇവാനിയോസ്‌ അദ്ധ്യക്ഷത വഹിക്കും. വലിയ പള്ളി വികാരി വന്ദ്യ സൈമണ്‍ ചെല്ലിക്കട്ടില്‍ കോര്‍ എപ്പിസ്കോപ്പ സ്വാഗതം ആശംസിക്കും. കിഴക്കിന്റെ കാതോലിക്ക ആബൂന്‍ മോര്‍ ബസ്സേലിയോസ്‌ തോമസ്‌ പ്രഥമന്‍ ബാവ അനുഗ്രഹ പ്രഭാഷണം നടത്തും.ബഹുമാനപ്പെട്ട സംസ്ഥാന എക്സൈസ് വകുപ്പ് മന്ത്രി ശ്രീ കെ.ബാബു സംഗമം ഉദ്ഘാടനം ചെയ്യും.സുന്നഹദോസ് സെക്രട്ടറി അഭി.ജോസഫ് മാര്‍ ഗ്രിഗോറിയോസ്, അഭി.കുര്യാക്കോസ് മാര്‍ തെയോഫിലോസ് മെത്രാപ്പോലിത്ത, അഭി.ഏലിയാസ് മാര്‍ അത്തനാസിയോസ് മെത്രാപ്പോലിത്ത,അഭി.ഐസക് മാര്‍ ഒസ്താത്തിയോസ് മെത്രാപ്പോലിത്ത എന്നിവര്‍ അനുഗ്രഹവചസ്സുകളേകും.രാഷ്ട്രീയ സാമൂഹിക സാംസ്കാരിക നേതാക്കന്മാര്‍ പങ്കെടുക്കും.
No comments:
Post a Comment