കരിങ്ങാച്ചിറ: മുല്ലപ്പെരിയാറില്‍ പുതിയ ഡാം നിര്‍മിച്ച് ജനങ്ങളുടെ സുരക്ഷിതത്വം ഉറപ്പാക്കാന്‍ പ്രധാനമന്ത്രിയും രാഷ്ട്രപതിയും ഇടപെടണമെന്ന് യാക്കോബായസഭയുടെ സെമിനാരി റെസിഡന്റ് മെത്രാപ്പോലീത്ത അഭി.ഡോ. കുര്യാക്കോസ് മോര്‍ തെയോഫിലോസ് ആവശ്യപ്പെട്ടു. മുല്ലപ്പെരിയാറില്‍ പുതിയ ഡാം നിര്‍മിക്കണമെന്നാവശ്യപ്പെട്ട് കരിങ്ങാച്ചിറ സെന്റ് ജോര്‍ജ് യാക്കോബായ സുറിയാനി കത്തീഡ്രല്‍ യൂത്ത് അസോസിയേഷന്‍ നടത്തിയ ഒപ്പുശേഖരത്തില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
25 മീറ്റര്‍ നീളത്തിലുള്ള വെള്ളത്തുണിയില്‍ നൂറുകണക്കിനാളുകള്‍ ഒപ്പുവച്ചു. കൊച്ചി ഭദ്രാസനാധിപന്‍ അഭി.ഡോ.ജോസഫ് മോര്‍ ഗ്രിഗോറിയോസ് മെത്രാപ്പോലീത്ത, പിറവം യുഡിഎഫ് സ്ഥാനാര്‍ഥി അനൂപ് ജേക്കബ്, ബെന്യാമിന്‍ മുളേരിക്കല്‍ റമ്പാന്‍ തുടങ്ങിയവര്‍ ഒപ്പുവെച്ചു. നിരവധി പേരുടെ ഒപ്പുകളുള്ള ഈ തുണി പ്രധാനമന്ത്രിക്ക് അയച്ചുകൊടുക്കുമെന്ന് യൂത്ത് അസോസിയേഷന്‍ സെക്രട്ടറി ബൈജു മാത്താറ പറഞ്ഞു.
No comments:
Post a Comment