മോര്‍ ബഹനാന്‍ സ്റ്റഡി സര്‍ക്കിള്‍ ക്യാമ്പ്‌

മല്ലപ്പള്ളി: മോര്‍  ബഹനാന്‍ സ്റ്റഡി സര്‍ക്കിളിന്റെ ക്യാമ്പ്‌ നിരണം ഭദ്രാസനത്തിലെ ആനിക്കാട് മോര്‍ ഗ്രിഗോറിയന്‍ സെന്ററില്‍ നടന്നു.നിരണം ഭദ്രാസന മെത്രാപോലിത്ത അഭി.ഗീവര്‍ഗീസ്‌ മാര്‍ കൂറിലോസ് മെത്രാപോലിത്ത ക്യാമ്പ്‌ ഉദ്ഘാടനം ചെയ്തു.വൃക്ഷ തൈ നട്ടാണ്‌ അഭി തിരുമേനി ക്യാമ്പ്‌ ഉദ്ഘാടനം നിര്‍വ്വഹിച്ചത്‌.ശ്രീ ഡാനി കെ ജോര്‍ജ് സ്വാഗതം പറഞ്ഞു. തുടര്‍ന്ന് ക്യാമ്പ്‌ അംഗങ്ങള്‍ പരസ്പരം പരിചയപെട്ടു.വന്ദ്യ കുര്യാക്കോസ് മൂലയില്‍ കോര്‍ എപ്പിസ്കോപ്പ മുഖ്യ പ്രഭാഷണം നടത്തി.വൈകിട്ട് നടന്ന സന്ധ്യ പ്രാര്‍ത്ഥനയ്ക്ക് അഭി തിരുമേനി മുഖ്യ കാര്‍മികത്വം വഹിച്ചു.  ഷെവലിയാര്‍ ബിബി എബ്രഹാം (വിശ്വാസ സംരക്ഷകന്‍ എഡിറ്റര്‍)  സ്റ്റഡി സര്‍ക്കിളിന്റെ ഭാവി പ്രവര്‍ത്തനങ്ങളെ കുറിച്ചുള്ള കാഴ്ചപാടുകള്‍ ക്യാമ്പില്‍ വിശദ്ധീകരിച്ചു.തുടര്‍ന്ന് നടന്ന ചര്‍ച്ചയില്‍ അംഗങ്ങള്‍ വളരെ ആവേശത്തോടെ പങ്കെടുത്തു. സുപ്രധാനങ്ങളായ പല തീരുമാനങ്ങളും ചര്‍ച്ചയില്‍ ഉരുത്തിരിഞ്ഞു.സഭയിലെ അഭി പിതാക്കന്മാരുടെയും പള്ളികളുടെയും സഭാ സ്ഥാപനങ്ങളുടെയും വിവരങ്ങള്‍ ഉള്‍പ്പെടുത്തി ഡയറക്ടറി  ഉണ്ടാക്കുവാന്‍ തീരിമാനിച്ചു.അതിനായി ഒരു ഭദ്രാസനത്തിന് രണ്ടു പേരെ വച്ച് ചുമതലപ്പെടുത്തി.
സഭയുടെ പരിസ്ഥിതി കമ്മീഷനായ " ശ്ലൊമോ" യുടെ  പ്രവര്‍ത്തനം വിപുലപ്പെടുത്താനും ക്യാമ്പില്‍ തീരുമാനമായി.എല്ലാ പള്ളികളിലും യൂണിറ്റുകള്‍ തുടങ്ങും. നേച്ചര്‍ ക്യാമ്പുകളും, മദ്യ വിരുദ്ധ കാംപെയിനുകളും "ശ്ലോമോയുടെ " ആഭിമുഘ്യത്തില്‍ സംഘടിപ്പിക്കും.ശ്രീ ബെന്നി വര്‍ഗീസ്‌ ,ശ്രീ  സഖറിയ മാത്യു എന്നിവരെ "ശ്ലോമോ" യുടെ പ്രവര്‍ത്തനം ഏകോപിപ്പിക്കുന്നതിനായി അഭി തിരുമേനി നിയോഗിച്ചു. "മലങ്കര സിറിയക് വോയിസിനു " ഭദ്രാസന തലത്തില്‍ റിപ്പോര്‍ട്ടര്‍മാരെ നിയോഗിക്കും."സഭയും ഞാനും " എന്ന വിഷയത്തില്‍  എം ജി  യൂണിവേഴ്സിറ്റി അസി.പ്രൊഫസര്‍ ഡോ.സൈലസ് പ്രഭാഷണം നടത്തി. ക്യാമ്പില്‍ സ്റ്റഡി സര്‍ക്കിളിന്റെ ഭൂരിഭാഗം പ്രവര്‍ത്തകരും പങ്കെടുത്തു.രാത്രി 9 .30 നു ഭക്ഷണത്തോട് കൂടി ക്യാമ്പിന്റെ ആദ്യ സെക്ഷന്‍ അവസാനിച്ചു. ഞായറാഴ്ച വി. കുര്‍ബ്ബാനയ്ക്ക് ശേഷം ക്യാമ്പ്‌ അവസാനിച്ചു.