പേരൂര്‍:മര്ത്തശ്മൂനി പള്ളിയില്‍ ഞായറാഴ്ച തിരുനാളിനോടനുബന്ധിച്ച് മൈലാപ്പൂര്‍, ഡല്‍ഹി ഭദ്രാസന മെത്രാപ്പോലീത്ത ഐസക്‌മോര്‍ ഒസ്താത്തിയോസ് സുറിയാനിയില്‍ കുര്‍ബാന അര്‍പ്പിക്കും. പ്രധാന പെരുന്നാള്‍ ദിനമായ ഓഗസ്‌റ്റ് ഒന്നിനു രാവിലെ എട്ടിനു നമസ്‌കാരം, ഒന്‍പതിന്‌ എപ്പിസ്‌കോപ്പല്‍ സിനഡ്‌ സെക്രട്ടറി ജോസഫ് മാര്‍ ഗ്രീഗോറിയോസ്‌ മെത്രാപ്പോലീത്തായുടെ പ്രധാന കാര്‍മികത്വത്തില്‍ ഒന്‍പതിന്മേല്‍ കുര്‍ബാന അര്‍പ്പിക്കും. കുട്ടികളെ അടിമവയ്‌പ്, മൂന്നിനു പ്രദക്ഷിണം, നാലിനു പാച്ചോര്‍ നേര്‍ച്ച എന്നിവയോടെ പെരുന്നാള്‍ സമാപിക്കും. ഇറാക്കില്‍ കരക്കോശിലെ മര്ത്തശ്മൂനി ദേവാലയത്തില്‍ നിന്നു കൊണ്ടുവന്ന തിരുവസ്‌ത്രം പെരുന്നാള്‍ ദിനങ്ങളില്‍ വണങ്ങുന്നതിനു സൗകര്യമൊരുക്കും. വികാരി ഫാ. മാണി കല്ലാപ്പുറത്ത്‌, ഫാ. പീറ്റര്‍ കുത്തുകല്ലുങ്കല്‍ എന്നിവര്‍ നേതൃത്വം നല്‍കും.
No comments:
Post a Comment