കടമ്പനാട്: വൈദികനായിരിക്കെ പലരില്നിന്നു ലക്ഷങ്ങള് തട്ടുകയും ആള്മാറാട്ടത്തിലൂടെ കോടതിയെയും പോലീസിനെയും കബളിപ്പിക്കുകയുംചെയ്തെന്നു കരുതപ്പെടുന്ന കടമ്പനാട്ടെ വിവാദമെത്രാന് മുങ്ങി. ഇദ്ദേഹത്തെപ്പറ്റി 'മംഗളം' വാര്ത്ത പ്രസിദ്ധീകരിച്ചതിനെത്തുടര്ന്നാണു 'മുങ്ങല്'. ഇദ്ദേഹം സ്വന്തമായി രൂപീകരിച്ച ഭദ്രാസനത്തിന്റെ, കടമ്പനാട് കുണ്ടോംവെട്ടത്ത് മലനടയിലെ, ആസ്ഥാനമന്ദിരം കനത്ത കാവലിലാണ്.
മാധ്യമപ്രവര്ത്തകര് ഉള്ളില് കടക്കുന്നതും ചിത്രമെടുക്കുന്നതും തടയാനാണ് അരോഗദൃഢഗാത്രരായ യുവാക്കളെ കാവല് നിര്ത്തിയിരിക്കുന്നത്.
തട്ടിപ്പു നടത്തിയതിന് ഓര്ത്തഡോക്സ് സഭ പുറത്താക്കിയ ഫാ. ടി.എം. സാമുവല് 'ദ് മലങ്കര ഓര്ത്തഡോക്സ് ഇന്ഡിപെന്ഡന്റ് സിറിയന് ചര്ച്ച്' എന്ന പേരില് ഭദ്രാസനം രൂപീകരിച്ചു മെത്രാനായി വാഴുന്ന കാര്യം കഴിഞ്ഞ ദിവസം 'മംഗളം' റിപ്പോര്ട്ട് ചെയ്തിരുന്നു.
കണ്ണൂര് കൊട്ടിയൂര് ചുങ്കക്കുന്ന് തെക്കയില് വീട്ടില് ആന്സി തോമസാണ് ഇദ്ദേഹം മുമ്പു വിസാതട്ടിപ്പിലൂടെ ലക്ഷങ്ങള് സമ്പാദിച്ച ഫാ. സാമുവലാണെന്നു വ്യക്തമാക്കിയത്.
പോലീസും കോടതിയും അന്വേഷിച്ചു കൊണ്ടിരിക്കുന്ന സാമുവല് വാര്ത്ത വന്നതിനെത്തുടര്ന്നു കടമ്പനാട്ടുനിന്ന് അപ്രത്യക്ഷനായതായാണു വിവരം.
ഗള്ഫില് ജോലി വാഗ്ദാനം ചെയ്തു ലക്ഷങ്ങള് തട്ടിയതിനും വണ്ടിച്ചെക്ക് നല്കിയതിനും പിന്നീട് ഈ കേസ് കോടതിയില് വന്നപ്പോള് ആള്മാറാട്ടം നടത്തിയതിനും കേസ് നിലവിലുണ്ട്.
ഫാ. ടി.എം. സാമുവല് തന്നെയാണു സ്വതന്ത്രസഭയിലെ ബിഷപ് മാത്യൂസ് മാര് കൂറിലോസ് എന്നാണ് ആന്സി തോമസ് പറയുന്നത്.
ഇക്കാര്യം നിഷേധിച്ച മെത്രാന് വാര്ത്ത പുറത്തുവന്നതോടെ ഒളിവില് പോവുകയായിരുന്നു. തന്നെ അന്വേഷിച്ചു പോലീസ് എത്തുമെന്നു മനസിലാക്കിയാണു തിരോധാനം.
No comments:
Post a Comment