പത്തനംതിട്ട: മഞ്ഞിനിക്കര പെരുന്നാളില് പങ്കെടുക്കാനെത്തിയ കാല്നട തീര്ഥാടകരെയും മറ്റ് തീര്ഥാടകരെയും ഓമല്ലൂര് കുരിശിന്തൊട്ടിയില് സ്വീകരിച്ച് മഞ്ഞിനിക്കര ദയറായിലേക്ക് ആനയിച്ചു. മെത്രാപ്പോലീത്തമാരുടെയും ദയറാധിപന്മാരുടെയും നേതൃത്വത്തിലായിരുന്നു സ്വീകരണം.
തീര്ഥാടകര്ക്ക് മൂന്നു മണിക്ക് ഓമല്ലൂരിലും നാലുമണിക്ക് മഞ്ഞിനിക്കര ദയറയിലും സ്വീകരണം നല്കി. പരിശുദ്ധ ഏലിയാസ് തൃതീയന് പാത്രിയര്ക്കീസ് ബാവയുടെ എഴുപത്തിയൊന്പതാം ഓര്മപ്പെരുന്നാളില് പങ്കെടുക്കാന് വടക്ക്, തെക്ക്, കിഴക്ക്, ഹൈറേഞ്ച് മേഖലകളില്നിന്നാണ് പ്രധാന പദയാത്രകളെത്തിയത്.
പാത്രിയര്ക്കീസ് ബാവയുടെ പ്രതിനിധികളായി മോര്പീലക്സിനോസ് മത്തിയാസ് നയിസ്, മോര്ക്ലീമിസ് ഡാനിയേല് വൂറിയ എന്നിവര് പെരുന്നാളില് പങ്കെടുക്കുന്നുണ്ട്.
തീര്ഥയാത്രാ സമാപന സമ്മേളനം കാതോലിക്ക ആബൂന്മാര് മോര് ബസേലിയോസ് തോമസ് പ്രഥമന് ബാവ ഉദ്ഘാടനം ചെയ്തു. മോര് ദീവന്നാസിയോസ് ഗീവര്ഗീസ് മെത്രാപ്പോലീത്ത അധ്യക്ഷതവഹിച്ചു. മോര് ഗ്രിഗോറിയോസ് ജോസഫ് മെത്രാപ്പേലീത്ത, മോര്മിലിത്തിയോസ് യൂഹാന്നോന് മെത്രാപ്പോലീത്ത, മോര് ദിയസ്കോറോസ് കുര്യാക്കോസ് മെത്രാപ്പോലീത്ത, മോര് അത്താനാസിയോസ് മെത്രാപ്പോലീത്ത, ആന്റോ ആന്റണി എം.പി, അഡ്വ. കെ. ശിവദാസന് നായര് എം.എല്.എ, കമാന്ഡര് ടി.യു. കുരുവിള, ഗ്രാമപ്പഞ്ചായത്ത് പ്രസിഡന്റുമാരായ വി. രാമചന്ദ്രന് നായര്, പി.ആര്. കുട്ടപ്പന് എന്നിവര് പ്രസംഗിച്ചു.
ഇന്ന് 8.30ന് നടന്ന വിശുദ്ധ മൂന്നിന്മേല് കുര്ബാനയ്ക്ക് പാത്രിയര്ക്കീസ് ബാവയുടെ പ്രതിനിധികളായ മോര്പീലക്സിനോസ് മത്തിയാസ്നയിസ്, മോര് ക്ലീമിസ് ഡാനിയേല് ഖൂറിയ എന്നിവര് കാര്മ്മികത്വം വഹിച്ചു.
No comments:
Post a Comment