കരിങ്ങാച്ചിറ: ജോര്‍ജിയന്‍ തീര്‍ഥാടന കേന്ദ്രമായ കരിങ്ങാച്ചിറ സെന്റ്‌ ജോര്‍ജ്‌ യാക്കോബായ കത്തീഡ്രലില്‍ തമുക്കു പെരുന്നാളിനു നേര്‍ച്ചയര്‍പ്പിക്കാനായി ആയിരക്കണക്കിനു ഭക്‌തജനങ്ങളെത്തി. യല്‍ദോ മോര്‍ ബസേലിയോസ്‌ ബാവയുടെ തിരുശേഷിപ്പ് പള്ളിയില്‍ സ്‌ഥാപിച്ചതിന്റെ ഓര്‍മപ്പെരുന്നാളാണ്‌ വൃശ്‌ചികം 20 പെരുന്നാള്‍.
ഇന്നലെ രാവിലെ കണ്ടനാട്‌ ഭദ്രാസന മെത്രാപ്പോലീത്ത മാത്യൂസ്‌ മോര്‍ ഇവാനിയോസിന്റെ മുഖ്യകാര്‍മികത്വത്തില്‍ മൂന്നിന്മേല്‍ കുര്‍ബാന നടന്നു. ഫാ. സാംസണ്‍ മേലോത്ത്‌, ഫാ. സക്കറിയ ഓണേരില്‍ എന്നിവര്‍ സഹകാര്‍മികരായിരുന്നു. മെത്രാപ്പോലീത്ത തമുക്ക്‌ നേര്‍ച്ച ആശീര്‍വദിച്ചു.
ഇന്നലെ രാവിലെ കണ്ടനാട്‌ ഭദ്രാസന മെത്രാപ്പോലീത്ത മാത്യൂസ്‌ മോര്‍ ഇവാനിയോസിന്റെ മുഖ്യകാര്‍മികത്വത്തില്‍ മൂന്നിന്മേല്‍ കുര്‍ബാന നടന്നു. ഫാ. സാംസണ്‍ മേലോത്ത്‌, ഫാ. സക്കറിയ ഓണേരില്‍ എന്നിവര്‍ സഹകാര്‍മികരായിരുന്നു. മെത്രാപ്പോലീത്ത തമുക്ക്‌ നേര്‍ച്ച ആശീര്‍വദിച്ചു.
തുടര്‍ന്ന്‌ മേമ്പൂട്ടില്‍ നിന്നും പള്ളിസാധനങ്ങള്‍ പള്ളിയകത്തേക്കു കൊണ്ടുവരുന്ന ചടങ്ങു നടന്നു. വൈകിട്ട്‌ സന്ധ്യാപ്രാര്‍ഥനയും തിരുവാങ്കുളം കുരിശുപള്ളിയിലേക്കു പ്രദക്ഷിണവുമുണ്ടായിരുന്നു. ഫാ. കുര്യാക്കോസ്‌ കണിയത്ത്‌, ഫാ. ജേക്കബ്‌ കുരുവിള, ഫാ. ബേസില്‍ ബേബി, ഫാ. എബ്രഹാം വലിയപറമ്പില്‍, പി.പി. തങ്കച്ചന്‍, ട്രസ്റ്റിമാരായ സി.എം. കുര്യന്‍, എം.വി. വര്‍ഗീസ്‌, ഐ.കെ. ജോര്‍ജ്‌ എന്നിവര്‍ ചടങ്ങുകള്‍ക്കു നേതൃത്വം നല്‍കി.
ഇന്നു രാവിലെ ഏഴിനു ജോസഫ് മോര്‍ ഗ്രിഗോറിയോസ്‌ മെത്രാപ്പോലീത്ത കുര്‍ബാന അര്‍പ്പിക്കും. തുടര്‍ന്ന്‌ ഒമ്പതിന്‌ എബ്രഹാം മോര്‍ സേവേറിയോസ്‌, കുര്യാക്കോസ്‌ മോര്‍ ക്ലീമ്മിസ്‌, ഏലിയാസ്‌ മോര്‍ അത്താനാസിയോസ്‌, മുളേരിക്കല്‍ ബെന്യാമിന്‍ റമ്പാന്‍, മിഖായേല്‍ റമ്പാന്‍ എന്നിവരുടെ കാര്‍മികത്വത്തില്‍ അഞ്ചിന്മേല്‍ കുര്‍ബാന. 12 നു വഴിപാട്‌ സാധന ലേലം, വൈകിട്ട്‌ 5.30 ന് സന്ധ്യാപ്രാര്‍ഥന, തുടര്‍ന്ന്‌ ചിത്രപ്പുഴ കുരിശുപള്ളിയിലേക്കു പ്രദക്ഷിണം, ആശീര്‍വാദം എന്നിവയോടെ ചടങ്ങുകള്‍ സമാപിക്കും.
No comments:
Post a Comment